OIC Mayor Cris Clemente, Binati ang mga Kawani ng Pamahalaang Bayan sa Mataas na Approval Rating Nito.


Binati ni nanunuparang Punongbayan Cris Clemente ang mga kawani ng Pamahalaang Bayan sa mataas na approval rating ng taumbayan sa mga kawani ng Pamahalaang Bayan sa kanilang patuloy na paglilingkod ng magiliw, magalang at maagap. Si Vice Mayor Cris Clemente ang itinalagang Officer-In-Charge ni Mayor Ferdie hanggang Agosto 16.

Ayon kay OIC Mayor Cris, "sa kanilang pag-iikot ay masaya siya na malaman na ramdam ng taumbayan ang positive rating ng taumbayan sa serbisyong inihahatid ng mga kawani ng pamahalaang bayan at dahil sa maayos na peace and order situation ay napanumbalik ang kumpiyansa ng ating mga namumuhunan tulad ng Ford Philippines, Honda Cars at madami pang paparating na investors."


Ayon pa kay OIC Cris, ang pinagsasama-sama at magkakatuwang na pagtupad sa pananaw at bisyon ng mga Baliwagenyos sa pangunguna ni Mayor Ferdie ang nagtulak upang maisagawa ang lahat ng ito. Aniya, "suportado ng Sangguniang Bayan ang mga programa ni Mayor Ferdie."

Ang lingguhang Flag Ceremony ay pinangunahan nga ng Business Permits and Licensing Office sa ilalim ng Tanggapan ng Punongbayan.