New Sto. Cristo-Pagala Access Road at Bagong Nayon NIA Road Widening sinisimulan na!

Baliwag, Bulacan – Sinisimulan na nga ang pagtatambak ng lupa sa bagong lansangan na magiging katapat ng BS Aquino Avenue. Ito ay mas malapad ng apat na metro. Labindalawang metro ang lapad ng BS Aquino at labing anim na metro ang bagong access road.

Ayon kay Mayor Ferdie Estrella, “prayoridad po natin ang mga pagawain na makapagiibsan ng daloy ng trapiko at upang makatulong sa paglago ng lokal na ekonomiya.”

Samantala, tuloy-tuloy naman ang paggawa ng National Irrigation Administration sa pagsesemento ng gilid ng patubig. Ito nga ang magiging altnernatibong daan patungo sa likod ng SM Terminal. Ang segment 1 ay mula sa Jollibee Junction patungo sa Baliwag Government Complex at ang Segment 2 ay mula sa Baliwag Government Complex sa gawi ng Baliwag Slaughterhouse hanggang Concepcion Tarcan.

Illegal structures, basura, poor planning…sanhi ng pagbaha sa Santo Cristo, Tangos at Bagong Nayon.

Baliwag, Bulacan – Nakatutok ang isip ni Mayor Ferdie Estrella na masolusyunan ang problema ng pagbaha sa Zone 4 at Zone 2 ng Bagong Nayon at sa gawi ng Lopez Jaena sa Santo Cristo ngunit bigla na lamang nasorpresa maging ang mga opisyal ng National Irrigation Administration pati ang mga establsiyimento sa Brgy. Tangos ng bigla na nga lamang umapaw ang tubig sa gawi nila. Ayon sa pagsusuri, ang pinaka sanhi nito ay ang pagsasara ng mga natural creek na sana ay magiging daluyan ng tubig palabas, papunta sa Candaba swamp hanggang Pampanga River. Sa mga pagtatambak ng mga residential at commercial areas ay nasarhan ang daluyan ng tubig at napakakitid naman ng mga ilegal na struktura. Bukod pa riyan ang pagbabara ng mga basura sa mga lagusan. Tinitignan din ang malaking posibilidad na ang hindi natapos na proyekto ng DPWH ang dapat ayusin upang magtuloy ang tubig papalabas at maipon ang tubig sa tapat ng Rivera Rice Mill sa Brgy. Tangos.

Inter-Agency Meeting Isinagawa ukol sa mga Pagbaha.

Baliwag, Bulacan – Matapos nga ang naranasang pagbaha noong isang taon sa brgy. Tangos at ang mala tag-ulang baha na sinapit ng ating mga kababayan sa Brgy. Santo Cristo ay nagpatawag ng isang Inter-Agency Forum si Mayor Ferdie Estrella upang ugatin ang problema na naranasan ng mga taga Santo Cristo.

Dinaluhan ito ng mga kinatawan mula sa National Irrigation Administration na si Engr. Precioso Punzalan, Brgy Capt. Beth Agtarap ng Bagong Nayon, Brgy Capt. Hemer Ignacio ng Sulivan at kinatawan mula sa Brgy Tangos. Sa panig naman ng Pamahalaang Bayan ay dumalo si Municipal Administrator Enrique Tagle at MPDC Engr. Nemecio De Leon. Hindi naman dumalo ang may-ari ng Ford 88 na inanyayahan sa nasabing pulong upang malinawan ang isang isyu ukol sa ginawang drainage sa kanilang lugar ayon sa NIA pati na rin ang kinatawan ng DPWH.

SANTO CRISTO/Bagong Nayon/Tangos

Ayon kay Engr. Boyli Punzalan, ang pagbaha sa Santo Cristo sa pagitan ng Municipal Cemetery at ng Baliuag Memorial Park ay bunsod sa maling pagkakalagay ng drainage sa gilid ng Villangca Village sa may Living Angels Christian Academy. Ayon sa kanya: “hindi dapat nabuksan ang drainage na ito na ang nais ay palabasin ang tubig mula sa kanto papunta sa irrigation na hindi nangyari dahil sa halip ay lalabas pa ang tubig mula irrigation na mas mataas papunta pababa ng Santo Cristo.

Sa Villa Cecilia, Lopez Jaena at Riles ay nagbabaha dahil sa pagkakaipit ng tubig mula sa mga kabahayan palabas sa pamamagitan ng irrigation at bituka ng manok. Sinasabing daraan dapat ang tubig papalabas ng Santo Cristo sa pamamagitan ng natural creek na nilagyan ng hindi kalakihang tosang.

Ang mga nagpapasikip sa daluyan ng creek pati na rin ang pagkatabon sa ilang natural creek ang maituturong dahilan ng pagbaha kung kaya’t bilang pangmatagalang aksyon ay nararapat lang na magkaroon ng pagpapalipat sa mga ilegal na strukturang nakaharang dito.

Basura

Isa sa mga nakita pang dahilan na umiipit sa daloy ng tubig ay ang mga tambak na basura. Maaaring nasarahan na nga nito ang daluyan ng tubig. Ito ang dahilan kung bakit MENRO ay naatasan na higpitan ang pagpapatupad ng mga environmental laws tulad ng ilegal na pagtatapon ng basura ng mga junkshops na nagtatapon ng mga pinagbalatan ng mga lumang refrigerator. Gayun din ang pagpapalawig sa pagtuturo sa mga kabahayan na huwag magtapon ng basura sa irigasyon.

Hakbangin

Upang maibsan ang sitwasyon ng mga taga Bagong Nayon at Santo Cristo ay nais ni Punongbayan Ferdie Estrella na makapagtayo ng isang Technical Working Group na tututok sa pagawain upang mabuhay ang master drainage plan at agarang solusyon ng mga nabanggit na suliranin.

Gawain upang masolusyunan ang problema sa pagbaha:

1. Pagbuhay sa lagusan ng bitukang manok (creek) na natabunan sa ilalim ng bloomingdales

2. Pagalis sa mga nakaharang na struktura sa bituka ng manok

3. Paggawa ng cistern at automatic pump para mabilis na matapon ang tubig

4. Mahigpit na pagbabawal sa pagtatapon ng basura

5. Pagbuhay sa master drainage plan

6. Paggawa ng drainage sa nasabing lugar at itugon sa drainage papalabas ng Tiaong

7. Pagsasaayos ng mga maling drainage na naiwang hindi ginagawa o mali ang pagkakagawa.

8. Pagpapataas ng harang sa mga box culvert

ISO Quality Management System Advisory Team Pinakilala sa Flag Ceremony

Baliwag, Bulacan – Pormal na iniharap kanina ang mga kawani na kabilang sa Quality Management System Advisory Team kanina sa flag ceremony upang pormal na ilunsad ang pagsasagawa ng mga bagong pamantayan pagsinabing dekalidad.

Si Municipal Administrator Enrique Tagle ang Chairperson ng QMS kasama si MPDC Engr Nemecio De Leon, Budget Officer Jojie Tanggol, Dr. Charrie Esguerra, HRMO Essie Cabigao, MiCTO Brainard Ardoña at PIO and Youth Bong Sablan. Si Claire Guanzon naman ng Municipal Administrator’s Office ang Secretariat nito.

Samantala, sina Norman Ramon ng Accounting Office, Gerard Tolentino ng MSWDO, Engr Mark Rivera ng Engineering at Ms. Laarni Lauro ng Tourism.

Naglabas na din ng QMS Manual ang grupo upang maging angkla ng mga departmento sa pagbuo ng kanilang mga manual of operation.

Naririto ang vision-mission at quality policy statement ng Baliwag na magiging pamantayan sa pagbuo ng mga plano at programa ng bawat tanggapan.

Finance Com Defended Baliwag’s New Revenue Code

City of Malolos – In response to the invitation of Sangguniang Panlalawigan’s Committee on Ways and Means Chairperson, Bulacan 3rd District Board Member Atty. Emelita Viceo to hear the request of the Municipality of Baliwag to approve its 2018 Revenue Code. The Local Finance Committee, upon orders of Mayor Ferdie V. Estrella, attended the hearing.

Municipal Administrator Enrique Tagle, Municipal Treasurer Martiniano Javier, Municipal Planning Development Coordinator Engr. Nemencio de Leon, Municipal Budget Officer Josefina Tanggol and Municipal Accountant Rhea Payuran attended the committee hearing and defended proposed 2018 Revenue Code.

In his opening statement, MA Tagle said: “the Municipality of Baliwag would like to thank the Sangguniang Panlalawigan, the Committee on Ways and Means especially the Chair, Atty. Emily Viceo for the opportunity to hear the proposed Revenue Code of Baliwag. This revenue code is important for Baliwag. After 20 years, Mayor Ferdie and the Sangguniang Bayan recognized that need to reform our revenue ordinance in order to address the more pressing needs of our municipality, whose rank from 960th was tremendously improved to 42nd, begins to be looked again by multinational investors. In 2017, Baliwag received 14 recognitions all in all. In order to sustain our efforts, the local government must create sound financial policies for better allocation of resources according to the strategic priorities of the government.”

Mayor Ferdie wants Baliwag to be in the top 10 Most Competitive Municipalities in the National Competitiveness Council’s competitiveness index at it prepares imminently to become the fourth city of Bulacan.

3rd District Board Member Atty Emily Viceo congratulated Baliwag for the bold reforms initiated by Mayor Ferdie in Baliwag. “To receive the Seal of Good Local Governance on his first year, the only new comer among the awardees is such a feat,” Atty. Viceo said.

The New Revenue Code of Baliwag takes effect once approved by the Sangguniang Panlalawigan.

Pre-Marriage Counselors ng Baliwag, pasado sa Accreditation ng DSWD-Standards Bureau

Noong ika-19 Oktubre, 2017 ay ginawaran Certificate of Accreditation ang dalawang miyembro ng Pre-Marriage Counseling team ng Baliwag matapos ang matagumpay na deliberasyon na isinagawa ng central office ng DSWD.

Ang Baliwag ay natatangi sa mga bayan sa Bulacan na mayroong lisensyadong counselors na siyang bumubuo sa Pre-Marriage Counseling (PMC) Team, alinsunod ito sa Revised Pre-Marriage Counseling Implementing Guidelines of 2002 na halaw sa Joint Memorandum Circular No. 01 mula sa DILG, DOH, DSWD at Commission on Population, na nagtatakdang ang lahat ng mga itatalagang Pre-Marriage counselors ng pamahalaan ay magkaroon ng akreditasyon mula sa DSWD – Standards Bureau. Nakasaad sa mandatong ito ang patuloy na pagsasanay ng mga miyembro ng PMC Team sa mga paksa ng pag-aasawa, pagmamagulang, kalusugan at pamamahala ng pamilya upang mas higit na maihanda ang mga nais magpakasal sa pagbuo ng kanilang pamilya.

 

Ang serbisyo ng Pre-Marriage Counseling sa Baliwag ay ginaganap tuwing Miyerkules (maliban kung holidays) sa Tanggapan ng POPCOM o Commission on Population Office, mula 9:00am-12:nn.

IMG_20170222_111727

Ang pagsisiguro ng mahusay at kalidad na serbisyo sa pamamagitan ng maayos na pagsunod sa mga itinakdang panuntunan, gaya ng pagsailalim sa accreditation na isa sa mga layunin ng ating Punongbayan Ferdie Estrella. Kaugnay nito’y nilagdaan ni Mayor Ferdie ang isang Executive Order na siyang magtatakda ng mga probisyong ayon sa ating mga pambansang batas at kautusan upang mas higit na maramdaman ng mga Baliwagenyo at Baliwagenya ang Serbisyong may Malasakit.

Training ng Barangay Nutrition Scholars’ Program para sa mga Lingkod Lingap sa Nayon, sinimulan kanina!

18 SEPTEMBER, 2017. Idinaos ang unang serye ng Barangay Nutrition Scholars’ Training na sinimulan para sa 31 Lingkod Lingap sa Nayon (LLN) mula sa dalawampu’t pitong (27) barangays ng Baliwag, sa pangunguna ng Municipal Nutrition Office. Layunin ng pagsasanay na mas higit na mapalalim ang kaalaman at kasanayan ng bawat LLN sa kanilang mga gampaning pang-kalusugan at pang-nutrisyon. 

Alinsunod rin ito sa patuloy na isinasagawang reporma ni Mayor Ferdie Estrella para sa programa ng Nutrisyon – ang bigyan ng higit na pagpapahalaga ang pagpapatibay sa kakayahan ng mga direktang tagapaghatid ng serbisyo ng ating pamahalaan sa mga barangay. Inaasahan na ang pagsasanay ay isasagawa din pati sa mga miyembro ng Barangay Nutrition ang Population Committee members at sa mga mother leaders para mas maging well-coordinated ang mga gampanin sa barangay.

2017 Ulat sa Bayan Highlights: Sari-sari store starter kits, ipinamahagi ni Mayor Ferdie sa mga pamilya ng malnourished children!

Malaking tulong po ang tindahang ito sa pagbibigay tugon sa mga pangangailangan ng mga anak ko. Sisikapin ko pong hindi na maging malnourished ang anak ko dahil may kikitain na ako. Salamat po, Mayor!” ani Aling Mary Grace, isa sa mga magulang na may malnourished na anak.

10 SEPTEMBER, 2017. Labing-limang (15) pamilyang Baliwagenyo ang tumanggap ng Sari-sari store kits mula kay Mayor Ferdie sa katatapos lamang na Ika-1 taong Ulat sa Bayan noong nakaraang Martes, ika-5 ng Setyembre, sa Baliwag Star Arena. Sila ang mga napiling benepisyaryo ng BUB Tindahan sa Nayon project na naglalayong bigyan ng tugon ang pangangailangan nila bilang mga magulang na may malnourished na anak.

Isa ang proyektong ito sa mga repormang inilatag ni Mayor Ferdie para sa programa ng Nutrisyon, na mabigyang tugon ang mga direktang sanhi ng malnutrisyon, one family at a time dahil ito ang layunin ng serbisyong may malasakit.

Serbisyong may Malasakit – this is our brand of excellence for governance. The heart of our service,ani Mayor Ferdie sa kanyang talumpati noong Ulat sa Bayan.

Ang mga Tindahang ito ay magsusulong ng mga produktong naglalakip ng Sangkap Pinoy Seal bilang isa sa mga hakbang para makaiwas sa micronutrient deficiencies. Tumanggap ang bawat pamilya ng mga panindang nagkakahalaga ng 20,000 na inaasahang mapapalago sa patuloy na pagsubaybay ng ating lokal na pamahalaan.

Marami pang pamilya ang mabibigyan ng kabuhayan sa mga susunod na buwan sa pamamagitan ng pondong ito na naisagawa sa patnubay na rin ng DTI o Department of Trade and Industry na siyang nagkaloob ng BUB fund sa Baliwag bilang dagdag pondo sa mga pangunahing proyekto ng Pamahalaang Bayan ng Baliwag sa pangunguna ni Mayor Ferdie.

Mayor Ferdie: Mahiya kayo! Wala kang Itatapon na hindi Babalik sayo!

Matapos nga ang dalawang Lingong paglilinis sa mga patubig sa buong bayan ng Baliwag ay nagbabala si Mayor Ferdie sa LAHAT NG WALANG HABAS na pagtatapon ng basura sa patubig o kanal pang irigasyon na sila ay pagmumultahin at ipasasara o kaya ay irerekomenda ang kanilang agarang pagpapaalis   sa nasabing lugar kung nakatira sa lupa ng gobyerno. Hindi sila deserving na manatili kung hindi sila makikiisa sa kalinisan at segregation ng bayan. 

Simula nga noong July 1 ay nagsimula na kaming magpatupad ng plastic reduction. Ang nga institusyon  naman ay kinakailangan magkaroon ng mrf.

Hindi maaring kayo ay kalat ng kalat at kayo naman ay kalat ng kalat. Tandaan natin, ang mga basurang itinapon natin nyo ay babalik din sayo.

Pagkakaloob ng Special Franchise sa Ibang mga Traysikel

BALIWAG, BULACAN. Noong nakaraang ika-9 ng Hunyo, 2017, pinagtibay ng Baliwag Tricycle Franchising and Regulatory Board (BTFRB) ang pagbibigay ng Natatanging Prangkisa (Special Franchise).

Ayon sa BTFRB Board Resolution No. 12 – 2017 (A Resolution on the Registration of Tricycles Granting Special Franchise), ang mga traysikel na ginagamit bilang pribadong panghatid (service) sa paaralan, trabaho at negosyo na bumabagtas sa mga lansangan ng Baliwag, Bulacan lalo na sa Plaza Naning at Baliwag Public Market ay kinakailangan na mai-rehistro at mabigyan ng natatanging prangkisa (special franchise).


 

19204674_10211883171229027_294738210_o

One of the requirements on the application for Special Franchise is having a fixed door. This door should not in any manner be detachable to the sidecar of the motorcycle unit. Also, the motorcycle unit has neither been issued with Motorized Tricycle Operators’ Permit (MTOP), nor its operator and/or driver has been using the same unit in furtherance of his Tricycle Operators’ and Drivers’ Association (TODA) membership. Reference: Section 2, par. 2 and 3 of Board Resolution No. 12 – 2017 (A Resolution on the Registration of Tricycles Granting Special Franchise)

Requirements on Application for Special Franchise

Inisa-isa na rin ng nasabing resolusyon ang mga kailangan sa pagpaparehistro para mabigyan ng natatanging prangkisa (special franchise). Ito ay ang mga sumusunod:

  1. Official Receipt (O.R.) at Certificate of Registration (C.R.) ng motorsiklo;
  2. Kinakailangang may nakakabit na pirmihang pinto ang sidecar ng traysikel;
  3. Ang traysikel ay laan lamang bilang pribadong panghatid (service) sa paaralan, trabaho at negosyo;
  4. Ang motorsiklo ay hindi nagamit para mabigyan ng Motorized Tricycle Operators’ Permit (MTOP) ang operator o driver nito, o ito ay ginagamit dahil ang drayber o operator ng traysikel ay miyembro ng anumang Tricycle Operators and Drivers’ Association (TODA); at
  5. Limang daan at limampung-pisong (P 550.00) bayad sa rehistro.

 

The Business Permit and Licensing Office (BPLO) and the Baliwag Traffic Management Office (BTMO)

          Ang BPLO ang mangunguna sa pagtanggap at pagpo-proseso ng mga aplikasyon. Samakatuwid, ang mga nagnanais na magkaroon ng nasabing natatanging prangkisa (special franchise) ay kinakailangan na magtungo sa nasabing tanggapan ng pamahalaang bayan upang magpa-rehistro. Partikular ang resolusyon sa mga sumusunod na gampanin ng nasabing tanggapan:

  1. Pagkakaroon ng inspeksiyon sa traysikel. Katulad ng ipinagkakaloob na prangkisa sa mga traysikel na pamasada, kailangan rin na makapasa ang bawat traysikel sa Roadworthiness Test (Inspection); at
  2. Pagkakaloob ng Tin Plate at Sticker.
18012856_10211330004400202_8963309_o
The Business Permit and Licensing Office (BPLO) shall be the lead agency to receive and process applications for registration of tricycles with special franchise. Particularly, said office is tasked of the following: (1) Roadworthiness Test (Inspection); and (2) Issuance of Tin Plate and Sticker. Reference: Section 3 of Board Resolution No. 12 – 2017 (A Resolution on the Registration of Tricycles Granting Special Franchise)

          Ang BTMO naman ang mangunguna sa implementasyon ng nasabing resolusyon – simula sa pagbibigay inpormasyon sa publiko hanggang sa pagpapatupad ng batas ukol sa nilalaman ng resolusyon, kabilang na ang panghuhuli sa mga walang prangkisa na bumabagtas sa mga lansangan ng Baliwag, Bulacan ng walang anumang kaukulang prangkisa.

18620908_1350325308384009_7098737157727841538_o
The Baliwag Traffic Management Office (BTMO) shall be the lead office for the enforcement of the traffic management rules, and information dissemination contained in the resolution. Reference: Section 4 of Board Resolution No. 12 – 2017 (A Resolution on the Registration of Tricycles Granting Special Franchise)

          Ang petsa ng pagpapa-rehistro ay sa unang araw hanggang sa ika-15 ng Hulyo, 2017. Samantalang ang ganap na pagpapatupad nito ay sa unang araw ng Agosto ng taong kasalukuyan.


 

Limitation and Validity

          Maglalaan ng isang libong (1,000) natatanging prangkisa (special franchise) ang pamahalaang bayan. Mula sa kabuuang ito, ang pitong daan (700) na natatanging prangkisa (special franchise) ay laan sa mga residente ng Baliwag, Bulacan. Ang tatlong daan (300) naman ay laan para sa mga hindi taga-Baliwag na nagnanais na magkaroon ng prangkisang ito.

          Katulad ng ibang prangkisa, hindi maaaring isalin (non-transferrable) sa iba ang pribilehiyong ito. At ang nasabing prangkisa ay may bisa lamang ng isang taon. END

6221706222017
Enter a caption

6221706222017_0001

6221706222017_0002
Copy of Board Resolution No. 12 – 2017: A Resolution on the Registration of Tricycles Granting Special Franchise 

 

RELATED ARTICLES:

  1. Pagpaparehistro ng Pribadong Traysikel, Pagkakansela ng Prangkisa sa mga Hindi Taga-Baliwag, at Iba pa;
  2. Ang Traysikel sa Baliwag, ang BTFRB at ang mga Pagbabagong Inilunsad;
  3. Sitting Pretty sa Baliwag; at
  4. Si Sir Manny at Ang Kanyang Pagreretiro Bilang Kawani ng Pamahalaang Bayan.