Sitting Pretty Campaign sa Baliwag, Sa Ikalawang Taon Nito

26235499_10155004000041175_249040146_n

Sitting Pretty – parirala o idyomang nangangahulugan sa wikang Ingles na in a very pleasant position, living in comfort, living in a good situation. Pinili nga ang dalawang salitang ito upang hubugin  ang pagbibigay ng serbisyo ng Pamahalaang Bayan ng Baliwag na may kaugnayan sa pagpapadali ng pag-aaplay ng business permit at kaagapay na aktibidad nito.

 

26241394_10155004003026175_2020511111_n

Ang paglagda ni Mayor Ferdie Estrella sa Executive No. 31 Series of 2016 o Institutionalizing the Sitting Pretty Campaign ay pagtalima sa inilabas na Joint Memorandum Circular 01, Series of 2016 sa pagitan ng DICT, DTI at DILG patungkol sa streamlining process sa pag-aplay ng business permit . Ito ay nagbigay daan upang tumugon sa repormang inaasahan o higit pa sa Business Permit and Licensing System na kinabibilangan ng processing time, number of steps, form used and number of signatories kasama na rin ang iba pang complementary reforms  tulad ng setting-up of a Business One-Stop-Shop (BOSS), conducting Joint Inspection at automating business permit application processes.

 

26551555_10155004000216175_254983316_n

Nasa ikalawang taon na ng implementasyon ang Sitting Pretty Campaign na talaga namang malaki ang nagiging magandang dulot sa mamamayan. Sa unang taon nito, napabilis at napagaan ang proseso ng pagkuha ng business permit new or renewal man. Napatunayang nakatulong ito sa pagdagdag ng mga bilang ng mga negosyong rehistrado na merong 3,473 taong 2017 mula sa 2,529 noong  2016 na may 37.33 porsiyento na pagtaas ng bilang. Ito ay nagresulta rin sa pag-akyat ng koleksiyon ng lokal na buwis at pagkakaroon ng magandang  feedback mula sa mga negosyante maliit man o malaki.

Kaya naman  sa mga negosyante at nagnanais mapabilang sa mga namumuhunan sa Baliwag, isang tunay na kapakinabangan ang pagkakaroon ng Sitting Pretty Campaign. Ito ay kabahagi  pa rin sa mga repormang isinusulong  ng serbisyong may malasakit ni Mayor FVE.

Dagdag Kabuhayan para sa mga Pamilya ng mga batang malnourished, inihandog ni Mayor Ferdie!

24879541_2420999611459377_8245611902520430627_o

Ika-4 Disyembre, 2017. Ipinamahagi ng ating Punongbayan Ferdie Estrella ang mga starter kits ng Mushroom Production bilang dagdag kabuhayan para sa 16 na pamilya ng mga batang malnourished. Nagmula ang pondong ito sa Bottom Up Budgeting (BUB) mula sa Department of Trade and Industry at sa Pamahalaang Bayan ng Baliwag na naglalayong bigyan ng maayos na oportunidad ang mga pamilyang Baliwagenyo na matugunan ang  mga pang-araw-araw na pangangailangan ng kanilang pamilya.

h

Sumailalim sa pagsasanay sa pagpapatubo ng kabute ang mga napiling benepisyaryo ng gayon din ang wastong pamumuhunan sa kanilang magiging kabuhayan. Ang mga mapaptubong kabute ay may siguradong supplier na siyang bibili nito, kaya’t matitiyak na mayroong kikitain ang pamilya.

Kabilang din sa mga benepisyaryo ng proyektong ito ay mga reformees mula sa Bahay Pagbabago na inaasahang mabibigyan ng pagkakataong magkaroon ng iba pang paraan ng pagkakakitaan para sa kanilang paglabas sa pasilidad.

 

235 na Mother Leaders ng Baliwag, sumailalaim sa Capability Development Seminar on Nutrition Program

Nobyembre 8-9, 2017. Bilang paghahanda sa nalalapit na ebalwasyon sa Programa ng Nutrisyon, idinaos ang dalawang (2) araw na Capability Development for Nutrition Program para sa mga Mother Leaders sa lahat ng 27 barangay ng Baliwag na ginanap sa conference room ng munisipyo.

j

Layunin ng pagsasanay na ito na bigyang pagpapahalaga ang kahusayan sa pagawa ng gampanin ng mga mother leaders para sa katagumpayan ng programa ng nutrisyon. Alinsunod ito sa katatapos lamang na pagsasanay na isinagawa rin sa mga Lingkod Lingap sa Nayon, na siyang itinatalang mamuno sa gawain ng mga mother leaders, patungkol sa programa ng nutrisyon.

Pinangunahan ng mga tauhan ng Nutrition and Population Office, na siyang itinalagang mga Cluster Leaders, ang nasabing pagsasanay, sa patnubay ng pinuno ng tanggapan. Binigyang diin ang mga paksa sa wastong pagtitimbang sa mga bata, pagtuos sa tamang edad pati ang pagsusulat ng mga report sa barangay.

Naging makabuluhan ang pagsasanay dahil sa bukas-loob na pakikiisa ng mga nagsidalong mother leaeders, kaya’t inaasahan na masusundan pa ang mga pagsasanay na ito sa barangay.

Batang Baliwagenyo Month, Nagsimula na!

Naging maaga ngunit makabuluhan ang naging panimula ng buwan ng mga bata sa Baliwag matapos itong ipagdiwang sa pamamagitan ng Trick Or Treat, Preliminaries ng Galing Mo Kid! at Inagurasyon ng Bagong Child Safety Bay at Entrance Gate ng Mariano Ponce.

Ang buwan ng mga bata ay ipinagdiriwang tuwing buwan ng Nobyembre. Ninais nga ni Mayor Ferdie Estrella na maging masaya, maayos at makabuluhan ang magiging selebrasyon ng Buwan ng mga Bata.

Ang tatlong aktibidad na iyon ay walang ibang layon kung hindi ang itulak ang karapatan ng mga bata, at mapalaki silang hindi kailanman napagkaitan ng mga mahahalagang karapatan kontra pang-aabuso, pagkitil sa paglinang at lumaki ng normal.

Pre-Marriage Counselors ng Baliwag, pasado sa Accreditation ng DSWD-Standards Bureau

Noong ika-19 Oktubre, 2017 ay ginawaran Certificate of Accreditation ang dalawang miyembro ng Pre-Marriage Counseling team ng Baliwag matapos ang matagumpay na deliberasyon na isinagawa ng central office ng DSWD.

Ang Baliwag ay natatangi sa mga bayan sa Bulacan na mayroong lisensyadong counselors na siyang bumubuo sa Pre-Marriage Counseling (PMC) Team, alinsunod ito sa Revised Pre-Marriage Counseling Implementing Guidelines of 2002 na halaw sa Joint Memorandum Circular No. 01 mula sa DILG, DOH, DSWD at Commission on Population, na nagtatakdang ang lahat ng mga itatalagang Pre-Marriage counselors ng pamahalaan ay magkaroon ng akreditasyon mula sa DSWD – Standards Bureau. Nakasaad sa mandatong ito ang patuloy na pagsasanay ng mga miyembro ng PMC Team sa mga paksa ng pag-aasawa, pagmamagulang, kalusugan at pamamahala ng pamilya upang mas higit na maihanda ang mga nais magpakasal sa pagbuo ng kanilang pamilya.

 

Ang serbisyo ng Pre-Marriage Counseling sa Baliwag ay ginaganap tuwing Miyerkules (maliban kung holidays) sa Tanggapan ng POPCOM o Commission on Population Office, mula 9:00am-12:nn.

IMG_20170222_111727

Ang pagsisiguro ng mahusay at kalidad na serbisyo sa pamamagitan ng maayos na pagsunod sa mga itinakdang panuntunan, gaya ng pagsailalim sa accreditation na isa sa mga layunin ng ating Punongbayan Ferdie Estrella. Kaugnay nito’y nilagdaan ni Mayor Ferdie ang isang Executive Order na siyang magtatakda ng mga probisyong ayon sa ating mga pambansang batas at kautusan upang mas higit na maramdaman ng mga Baliwagenyo at Baliwagenya ang Serbisyong may Malasakit.

DOH, siniyasat ang Breastfeeding Station ng Munisipyo ng Baliwag

OCTOBER 6, 2017. Sumailalim kahapon sa isang preliminary assessment ng Department of Health ang Breastfeeding Station ng Pamahalaang Bayan ng Baliwag tungo sa paggawad ng certification, na magsisilbing katibayan ng pagsunod ng pamahalaan sa mga itinakdang mandato ng Republic Act 10028 o ang Expanded Breastfeeding Act na siya rin namang nilalaman ng Baliwag Breastfeeding Ordinance.

Layunin ng probisyon ng batas na ito na mapalawig ang breastfeeding sa pamamagitan ng paglalagay ng conducive spaces sa mga opisina o establisyimento para mapagpatuloy ng mga ina ang pagpapasuso o kaya’y para sa milk expression. Inaasahan na sa mga susunod na buwan ay muling babalik ang DOH upang opisyal na suriin ang pagpapatupad ng breastfeeding policies sa mga tanggapan at mga kawani ng pamahalaan.

Bukas ang Breastfeeding Station mula 8:00am – 5:00pm para sa mga nursing mom employees, gayon na rin sa mga bumibisitang nagpapasusong ina na may mga transakyon o lalakaring dokumento sa munisipyo.

Philippine Health Insurance Corporation Reaches Out

19601312_1338729122937568_3953493268216238141_nThe Philippine Health Regional Office III will conduct a “REACH-OUT ORIENTATION FOR ALL ACCREDITED RURAL HEALTH UNITS” as partner  stakeholders in their continuous effort to provide quality health care for all Filipinos.  This is a regional event which will focus on cascading the current Philhealth Policies and Issuance’s.

In relation to our Local Chief Executive Mayor Ferdie V. Estrella’s advocacy to provide quality health service made available and accessible for all Baliwagenos, our Municipal Health Officer, Dr. Mary Joan Dinlasan together with our Rural Health Physicians, Dr. Ma.Rosario H. Esguerra (RHU II), Dr. Merilyn P. De Leon (RHU III) & Dr. Ma. Editha C. Dela Cruz (RHU IV) will be sent to join the said event to keep our Municipality up to date with the current innovations and advancements with regards to the Philhealth. It will be held on September 8, 2017 at Royce Hotel and Casino, Clark field Pampanga.

Baliwag Ranks 3rd Most Improved LGU in 1st and 2nd Class Municipalities Category at the 5th Annual Regional Competitiveness Summit and Awards

NCC plaque

August 16, 2017 – The National Competitiveness Council recognized LGUs with exemplary performance in the four pillars of the Cities and Municipalities Competitiveness Index (CMCI) namely Economic Dynamism, Government Efficiency, Infrastructure and Resiliency.  The highlights of the event included the promotion of competitiveness in the country and also the announcement of the results of the 2017 index.  This year’s Summit theme is Government Automation:  Key to Ph Competitiveness.

Baliwag secured its position as the 3rd most improved LGU in 1st and 2nd Class Municipalities Category.  The Most Improved LGU award is conferred to a city and municipality which had the most number of leaps from the previous ranking.  Last year, Baliwag ranked 413th for 1st and 2nd  Class Municipalities up to 62nd  spot this year and  ranked 960th  for All Municipalities from 2016 up to 47th position this 2017.   Topping the said recognition category is Bongabon, Nueva Ecija and Paranas, Samar at second place.

ncc 2 pic

Mayor Ferdie V. Estrella walked up the stage of the Philippine International Convention Center  to receive  the said award in behalf of the Municipality of  Baliwag.

20934203_1445952465491399_706290247693515598_o

Baliwag is the only Municipality from the Province of Bulacan which was included in the roster of awardees for this year.

Moreover, notable achievement of Baliwag in the CMCI ranking for this year among the four pillars  is being in the 7th place in the Infrastructure and 11th place in newest pillar Resiliency among All Municipalities. Also, Baliwag earned the 12th spot in the Infrastructure and 10th spot in the Resiliency among the 1st and 2nd Class Municipalities.

ncc pic 1

This year’s CMCI surpassed the number of participants last year with 1487 LGUs, 145 of which are cities and 1342 are municipalities. These numbers were far behind 2013’s statistics when CMCI started  with only 285 or 17% of the LGUs in the country. Data used for the ranking were gathered with the Regional Competitive Committees which are composed of public and private sectors and the academe.

The CMCI is an annual ranking developed by NCC to encourage LGUs  in formulating programs to improve competitiveness and engage in investment promotions activities to attract investors and generate more jobs. It is supported by the United States Agency for International Development (USAID) and Globe Telecom.

FAQ on MTOP: Ang Prangkisa at Ang Mga Umiiral na Polisiya at Alituntunin Ukol Rito

BALIWAG, BULACAN. Noong nakaraang ika-13 ng Hulyo, taong kasalukuyan, pinagtibay ng Baliwag Tricycle Franchising and Regulatory Board (BTFRB) ang mga patakaran at hakbangin ukol sa paggagawad ng prangkisa sa mga pampasadang traysikel.

Inilahad sa BTFRB Resolution No. 13 – 2017 (Policies and Measures on the Issuance of Motorized Tricycle Operators’ Permit) ang mga mahahalagang aspeto sa pagkuha ng prangkisa na dapat ay bigyang linaw at karampatang proseso.

(I) ANO NGA BA ANG MTOP? Ang MTOP o Motorized Tricycle Operators’ Permit ay ang prangkisa o kaukulang permiso na ipinagkakaloob sa mga nagta-traysikel para sila ay makapamasada sa mga lansangan ng isang lugar. Kaya para makapamasada ang isang traysikel sa bayan ng Baliwag, kinakailangan na sila ay kumuha ng MTOP o prangkisa sa Business Permit and Licensing Office (BPLO) ng Pamahalaang Bayan ng Baliwag.

(II) ILAN ANG KABUUANG BILANG NG MTOP O PRANGKISA NA IPINAGKAKALOOB NG BAYAN NG BALIWAG? Ang kabuuang bilang ng MTOP na ipagkakaloob ay hindi hihigit sa pitong libo. Sa kasalukuyan, mayroong 6,248 na MTOP ang naipamahagi sa tatlumpung (30) Tricycle Operators and Drivers’ Associations (TODA) dito sa bayan ng Baliwag (Baliwag TODA). Hindi pa rito kasama ang labing siyam (19) na TODA mula sa mga karatig lugar katulad ng mga bayan ng Bustos at San Rafael, at gayundin sa lalawigan ng Pampanga.

(III) SINO ANG MGA MAAARING KUMUHA NG MTOP O PRANGKISA? Ayon sa bagong resolusyon na pinagtibay ng BTFRB, ang franchisee o ang tao na ginagawaran ng prangkisa ay dapat na nagtataglay ng mga sumusunod para makakuha ng MTOP o prangkisa:

          (1) Siya ay mamamayang Filipino;

          (2) Residente ng bayan ng Baliwag; at

          (3) May kaukulang lisensiya sa pagmamaneho.

(IV) ANONG DOKUMENTO ANG KAILANGANG IPAKITA PARA MAPATUNAYAN ANG PAGIGING MAMAMAYANG FILIPINO AT PAGIGING RESIDENTE NG BAYAN NG BALIWAG? Bilang patunay sa una at ikalawang kwalipikasyon, kailangan na ipakita ng franchisee ang kanyang Voter’s ID Card mula sa COMELEC AT resibo (proof of billing) kung saan nakasaad ang pangalan ng aplikante.

(V) ANO ANG EPEKTO NG  PAGKAKAROON NG IKATLONG KWALIPIKASYON NG ISANG FRANCHISEE? Sa pamamagitan rin ng pagkakaroon ng ikatlong kwalipikasyon, hindi na gagawaran ng prangkisa ang mga hindi mismo ang magmamaneho ng traysikel. Sa diwang ito ang mga operator na hindi magmamaneho o walang kaukulang lisensiya sa pagmamaneho ay hindi magagawaran ng prangkisa.

(VI) ANO ANG MGA DOKUMENTO NA KAILANGAN SA APLIKASYON NG PRANGKISA? Bilang karagdagan sa Voter’s ID Card, proof of billing at lisensiya, kailangan ang mga sumusunod na papeles para sa aplikasyon:

          (1) Resibo at rehistro (Official Receipt at Certificate of Registration) ng motorsiklo na gagamiting pamasada.

(Note: Kung brand new ang motorsiklo kailangan rin magpresinta ng sales invoice at certificate of sales mula sa pinagbilhan ng unit. Gayundin naman, kung ito ay second hand, kailangan namang ipresinta ang Deed of Sale bilang patunay sa pag-aari ng aplikante);

          (2) Barangay Clearance;

          (3) Medical Certificate kalakip ang Drug Test at X-Ray Test results;

          (4) Police Clearance;

          (5) Sipi ng Compulsory Motor Vehicle Liability Insurance ng traysikel;

          (6) Notaryadong  sinumpaang salaysay na nagpapahayag na mayroong espasyo para sa parking ng traysikel ang aplikante; at

          (7) Roadworthiness Test (Inspection) Report.

(VII) HANGGANG KAILAN VALID ANG PRANGKISA NG BALIWAG TODA? Ang prangkisa ng Baliwag TODA ay may bisa ng tatlong (3) taon mula sa taon na pagkakaloob ng prangkisa. Para sa mas maayos na pagmo-monitor, itinakda ng BTFRB na mawawalang bisa ang prangkisa sa pagsapit ng ika-30 ng Hunyo ng huling taon ng bisa nito.

(VIII) MAAARI BANG IPASA ANG PRANGKISA SA IBA? Hindi. Ang pribilehiyo na ipinagkakaloob ng pamahalaang bayan ay limitado sa pagkakaroon ng kaukulang permiso sa pamamasada gamit ang traysikel. Hindi kasama sa ipinagkaloob na pribilehiyo ang kapangyarihan na isalin ito sa iba. Tanging ang pamahalaang bayan, sa pamamagitan ng BTFRB lamang ang magtatakda kung sino ang pagkakalooban ng prangkisa, hindi ang ang franchisee.

(IX) ANO ANG AMENDMENT NG PRANGKISA? Ito ang pagsususog na isinasakatuparan sa prangkisa na nauna ng ipinagkaloob sa franchisee. Para magkaroon ng amendment, kinakailangan na nagkaroon muna ng prangkisa ang aplikante para rito.

(X) SA ANONG PAGKAKATAON AANGKOP ANG AMENDMENT NG PRANGKISA? Ang amendment ng prangkisa ay angkop sa mga sitwasyon na magpapalit ng motorsiklo ng traysikel ang franchisee, o kaya naman ay sidecar ang papalitan. Ito ay amendment lamang sapagkat mayroon ng prangkisang umiiral, papalitan lamang ang ilang detalye na nakasaad sa naunang aplikasyon katulad ng pagpapalit ng motorsiklo O sidecar, na nauna ng masuri ng BPLO.

(XI) SAKALING AAMIYENDAHAN  O MAGKAKAROON NG PAGBABAGO ANG PRANGKISA, ANO ANG DAPAT GAWIN NG FRANCHISEE? Sakaling naisin ng franchisee na susugan ang kanyang prangkisa, katulad ng pagpapalit ng motorsiklo O sidecar, maaari siyang mag-apply nito sa BTFRB sa pamamagitan ng BPLO.

(XII) ANO ANG MGA DOKUMENTO NA KAILANGAN SA AMENDMENT NG PRANGKISA? Sa pag-aapply sa BTFRB sa pamamagitan ng BPLO, kailangan lang ang mga sumusunod na dokumento:

          (1) Liham kahilingan sa BTFRB sa gagawing pagsususog sa prangkisa –  maaaring pagpapalit ng motosiklo O sidecar. (Sa kaso ng pagpapalit ng motorsiklo, kailangan na ilakip ang resibo at rehistro ng motorsiklo na gagamiting pamasada);

          (2) Notaryadong  sinumpaang salaysay na nagpapahayag ng dahilan sa pagpapalit ng motorsiklo O sidecar; at

          (3) Sipi ng Compulsory Motor Vehicle Liability Insurance ng traysikel, kung maaari.

(XIII) SAKALING MAIPASA ANG MGA DOKUMENTONG KAILANGAN, AUTOMATIC BA NA NA-AMIYENDAHAN NA ANG PRANGKISA? Hindi. Dadaan pa sa maigting na proseso ang  aplikasyon. Muling susuriin ang traysikel sa pamamagitan ng Roadworthiness Test (Inspection). Matapos makapasa sa naturang pagsusuri ay ilalatag na ito sa BTFRB para aprubahan. Sa pag-abruba ng BTFRB nakasalalay ang amendment ng prangkisa.

(XIV) SAKALING IBEBENTA ANG TRAYSIKEL NA NAPAGKALOOBAN NG PRANGKISA, KASAMA BANG NAIBENTA ANG PRANGKISA? Hindi. Ang prangkisa ay ipinagkakaloob sa franchisee dahil sa pagtataglay niya ng mga kinakailangang kwalipikasyon, at pagpasa ng kanyang traysikel sa pagsusuri base sa mga itinakdang criteria para rito. Ang traysikel lamang ang naibebenta hindi ang prangkisa. Ang pagkakaloob ng prangkisa ay laan lamang sa tamang otoridad. Sakaling ibenta ang traysikel na may prangkisa, awtomatikong mapapawalang bisa ang prangkisa na nauna ng nai-isyu rito.

(XV) ANO NAMAN ANG GAMPANIN NG MGA PANGULO NG MGA TODA SAKALING MAY NAPAG-ALAMANANG PAGBEBENTA NG TRAYSIKEL NA NAPAGKALOOBAN NG PRANGKISA? Sa bisa ng huling resolusyon ng BTFRB, naatasan ang mga pangulo ng mga TODA na ipagbigay alam agad sa BTFRB sa pamamagitan ng pangulo ng TODA Federation ang anumang inpormasyon na may kinalaman sa pagbebenta ng traysikel na napagkalooban ng prangkisa.

(XVI) HINDI ALAM NG NAKABILI NA HINDI PALA NAIPAPASA ANG PRANGKISA SA KANYA, ANO ANG KANYANG MAAARING REMEDYO? Dahil nga hindi naipapasa ang prangkisa, ang bagong may-ari ng traysikel ay maaaring mag-apply ng prangkisa sa kanyang pangalan.

(XVII) SAKALING YUMAO ANG FRANCHISEE, ANO NA ANG MANGYAYARI SA PRANGKISANG NAIPAGKALOOB SA KANYA? Sakaling yumao ang franchisee, awtomatikong mawawala ang bisa ng prangkisa.

(XVIII) ANO NAMAN ANG MAAARING GAWIN NG MGA NAIWAN (HEIRS) NG YUMAONG FRANCHISEE PARA MAKAKUHA NG PRANGKISA? Ang nabakanteng prangkisa ay maaaring apply-an ng naiwan ng yumaong franchisee. Maaari siyang dumulog sa BTFRB sa pamamagitan ng pangulo ng TODA Federation, at ipahayag ang layunin na maging aplikante sa nabakanteng prangkisa.

(XIX) SAKALING ANG PLAKA NG MOTORSKILO AY PANG-PRIBADO, MAAARI PA RIN BA ITONG MAKAKUHA NG PRANGKISA? Sakaling ang plaka na ipinagkaloob ng LTO ay pang-pribado, maaari pa ring makakuha ng prangkisa. Kinakailangan lamang na magpasa ng notaryadong sinumpaang salaysay na nagsasaad na iko-convert ang naturang gamit ng motorsiklo bilang pamasada sa loob ng isang (1) taon. Matapos ang palugit na ito at hindi naisasaayos ang naturang pagpapalit, awtomatikong mapapawalang bisa ang prangkisa na naipagkaloob.

PANGWAKAS: Sa diwa ng paghahandog ng serbisyong may malasakit, sakaling may mga katanungan o paglilinaw na nais ukol sa naturang suheto, maaaring makipag-ugnayan sa  Business Permit and Licensing Office (BPLO) at Baliwag Traffic Management Office (BTMO). Ang mga naturang tanggapan ang tumatayong Secretariat ng BTFRB.

BASIS: BTFRB Resolution No. 13 – 2017 (Policies and Measures on the Issuance of Motorized Tricycle Operators’ Permit). END

Ang Aking Kwento

0001018993
Normal naman na sa akin ang ganito, ang maghintay na pagbigyan mo.                       Umulan man    o Umaraw, ganun parin, magkwentuhan nalang tayo.               WALANG PAGBABAGO:   Minsan height mo, Kadalasan traffic sa EDSA!

Malayo layo na din ang aking narating, ilang bayan at probinsya na rin ang aking tinahak at sa bawat araw patuloy na nagbabago ang landas na aking dinaraanan ngunit sa kabila ng lahat ng ito ay  isang pangalan lamang ang palagi kong tangan. Sino pa kaya ang nakaka-alala ng aking kwento? Kasi naman, bagama’t ako’y isang lingkod publiko ay alam kong bibihira lamang ang nakakaalam sa tunay kong pagkatao. Ano nga ba sabi nila dun sa Ingles? Ah oo, “They Just Know My Name, NOT My Story” naalala ko din. Lalo na sa mga millenial millenial na yan ngayon, ipupusta ko ang isang araw na kita ko, madalang ang nakakaalam sa istoryang naiguhit ko sa bawat kalsada maging magpa-hanggang sa EDSA.

296319_197243700347220_246088811_n
Sa dako paroon, naka-tuon ang paningin ng mga pasaherong sa akin ay nakasakay, di pa kasi uso selfie kaya kanya kanya pa kami ng tinitingnan, pero kahit na                   ganon, Ang Gwapo ko Dyan!.                        KINUPASAN: Minsan Pintura ko, Kadalasan Yung Maong Mo!

Nagka-ideya ka na ba kung sino si AKO? Oo, AKO yung naghatid sa iyong lola nung dekada 70 patungo sa divisoria kung saan nya nakilala yung Lolo mo, oo ako din yung nag-ugnay sa Tyahin nung kapitbahay mong hinangad makapangibang bayan, bitbit nga lang nya noon ay yung bayong at abanikong maleta. Tama, ako din yung naging tulay para marating ng guro mo nung elementarya ang unang hakbang nya sa syudad na kung tawagin ay Maynila, sabagay ako din naman kasi yung naghatid sa Tiyo mong galing NAIA ng sumakay sya sa bandang Pasay. Sa pagkakaalala ko nga, ako din ang naging daan para makarating ang iyong Tatay sa ating bayan upang makipag eyeball  sa nanay mo na nakilala nya sa text at beeper. Nahiya pa nga ang langgam sa ka-sweetan nila nun sa terminal eh, akala mo ba ay natagpuan na nila ang forever. Hay!! Ang dami ko na din palang naging parte sa buhay ng mga tao, at ou tama ka ako nga ito, ako nga!

8662196121_5191c3b728_b
Kuha ito noong malinis-linis pa ang hangin at kalsada sa may bandang Kalayaan,  sakay ko pa rito ang ilang estudyanteng lingong lingo eh ibinabandera sa akin ang ID na kanilang suot,   muntik na tuloy akong maniwala na tunay nga ang Trinoma University!.              LAKWATSERA: Minsan Ikaw, Kadalasan si Dora

Yung iyong sinasakyan at sinasabihan ng “Trinoma po, estudyante”. Alam mo bang natatawa nalang ako kapag lingong lingo e sinasabi mo sa konduktor ko ang linyang ito? Makikipagdate ka lang eh ginagamit mo pa ang ID mo, ang masama, expired na yung ID mo dahil last sem ka pang di nagenrol ineng.

 

 

72814_292486430890891_1788125152_n
Pasasalamat sa kumuha ng isa sa aking kauna-unahang selfie at kamusta na din kay  Kuyang nakipag-selfie sa aking tulak ang kanyang Kariton.                                            FAMOUS: Minsan artista, Madalas AKO!

 

 

Ou tama ka nga, ako ito, yung bus, yung may tatak na sumbrero, tatak buntal, tatak Baliwag! Nagsimula akong pumsada sa industriya kundi ako nagkakamali ay noong dekada 60. Karag karag pa ko noon at iilan pa lamang din kami noon ng aking mga kapatid. Si Doña Victoria Tengco ang itinuturing kong aming Ina. Sya kasi yung nangahas na sumugal sa industriya ng pampasaherong sasakyan upang ang ating mga kapwa Baliwagenyo ay maihatid sa mga lugar sa kamaynilaan at iba pa nating karatig probinsya. Naalala ko pa nga na roughroad pa noon ang EDSA at di pa gaanong uso ang NLEX o SCTEX.

5953894841_0d4c6b506c_b
Isa sa aking ipinagmamalaki ay ang kalinisan na aking taglay sa kabila ng aking  araw-araw na         pakikidigma sa polusyon sa EDSA. #AngPOGI            GWAPO:  Minsan yung Crush Mo, Madalas, Syempre AKO!

Madaming pasahero na rin ang aking naisakay, andyaan si Ateng apura ang pagbiling sa upuan na akala mo ba ay may naupuang isang laksang langgam, andyaan din naman si Lola na nakasampong ulit na yatang nadasalan ang kanyang rosaryo eh napaka malumanay namang magpatakbo ng driver ko. Naku, naalala ko din si Bunso na apura ang lawit ng kamay sa bintana ng minsang masakay sa aking ordinaryong modelo, ay naku naalala ko pang halos mapamura ang kanyang Itay sa pananaway sa kanyang delikadong gawa. Andun din naman karaniwan sa bandang likuran ang magjowa na palaging sa akin ay sumasakay at ginagawang Luneta ang upuan ng aking sasakyan. At ayon sa bandang gitna, andun yung estudyanteng planong magsalamin ng maaga sa pagpilit na mabasa ang libro na kanyang hawak.

 

images
Alam nyo bang isa ang mga vendor na ito kaya di ako naiinip sa bawat byahe ko, ang dami kasi nilang kwento tapos may bonus pang free taste ng kanilang produkto. LIBRE: Minsan totoo, Kadalasan ewan ko!

Si tatay na kasalukuyang binibilang ang kanyang sweldo ay hayun at nasa bandang bintana katabi si kuyang daig pa ang call center sa kakatelebabad. Ang dami dami nila, di pa dyan kasama ang mga vendors na panik at panaog sa akin na sinasamantala ang traffic. Ang dami nila, araw araw iba, iba’t ibang tao, iba iba rin ang kwento at isang bagay ang ikinakasaya ko, sa bawat kwento na ito ay nakasahog ako. Nahabi ng may kaunting hibla ko kumbaga.

 

10713004_787472717990979_8984730480887364994_n
Millenial din ako, eto nga pala ang aking cover photo. UPDATED: Minsan mga Gimik ko, Kadalasan Status sa Facebook nyo!

 

Ngunit sa kabila ng lahat ng pagbabago at dami ng mga rutang tinahak ko, isang pangalan lamang ang aking tinataglay, ang pangalan kung saan ako sinilang, sa bayan kung saan unang ginanap ang halalang sibil sa Asya, sa bayang tanyag ang serkele, pastillas at Lechon Manok, sa bayang sinilangan ni Ponce, sa bayang tinatawag na Baliwag.

 

9494334852_f5e61b0cd2_b
Magkaiba man ang kulay na nakapahid sa amin, iisang gasolina naman ang nanalaytay samin. Porma Porma lang                          naman yan #CousinGoals                           FASHIONISTA: Minsan Kayo, Kadalasan KAMI Din!

Baliwag Transit man o yung pinsan kong si Golden Bee kapwa kami Baliwagenyo. Sa bawat araw ay ibinabalandra namin sa katrafican sa EDSA ang pangalang aming pinagmulan. Sa bawat araw ay nakikipagsabayan kami sa iba’t ibang ngalan ng pampublikong sasakyan sa kalsada maging sa NLEX o SCTEX man. At sa bawat araw na lumipas isa lamang ang aming hangad -ang maihatid kayo ng ligtas.

 

88_big
PHOTO BOMBER: Minsan Bagay, Kadalasan Kayo!, Nag-gugroufie kami dito nila pinsang GoldenBee eh! Popost pa naman namin to sa IG #CouzGoals 

Sa bawat panahon at oras na sa akin ay dumaan, ako bilang lingkod publiko ay isa lang palagi ang paninindigan. Magbago man ang kulay at anyo ko, magbago man ang modelo ng kaha o gulong ko, patuloy ko pa ring ititimo sa aking isipan na ako ay isang produktong Baliwagenyo. Ang kalidad ng aking serbisyo ay suamsalamin sa kalidad ng isang Baliwagenyo -maagap, mahusay, at may pagmamahal. Ang sumbrero na akin ng naging tatak sa loob ng halos ilan ng dekada ay salamin ng isang Baliwagenyong sinubok nang napakaraming pagsubok ngunit sa huli ay buong dangal pa ding tumitindig  at iwinawagayway ang sagisag ng ating pagka Dugong Baliwag, Pusong Baliwag.

 

4851577232_b827dd57c4_b
Patuloy Kong iwawagayway ang Bandilang Baliwagenyo sa Larangan ng Transportasyong   Pampubliko! #travelGoals                     BALIWAGENYO: Minsan Pasahero ko, Madalas, SYEMPRE AKO!

Ngayon, bukas at maging saan man ako dalhin ng panahon at maging sa anong kwentong buhay pa man ang mahabi ko sa loob man o sa loob ng aming terminal o maging sa bawat kalsadang aking gugulunga, patuloy at patuloy kong dadalhin ang pangalan ng Bayan ko, sapagkat ako, Si BALIWAG TRANSIT ay isang tunay na DUGONG BALIWAG, PUSONG BALIWAG at naghahatid ng SERBISYONG MAY MALASAKIT. Ito ang kwentong byahe ng buhay ko.