Pagdiriwang ng Santo Niño sa Bayan ng Baliwag, Schedule ng Prusisyon at Ruta ng Prusisyon sa Parokya ni San Agustin

Ngayong ika-21 ng Enero ay ating ipagdiriwang ang Kapistahan ng Santo Niño na syang patron ng mga bata. Sa ating bayan ay makulay ang pagdiriwang na ito sa pamamagitan ng Prusisyon ng iba’t ibang imahe ng Santo Niño na nakasakay sa mga Bisikleta, Tricycle, mga sasakyan at mga karo.

10455661_609953049137905_2257326586311295044_n

 

Nagkakaroon din ng paagaw ng mga kendi na syang ianaabangan ng mga bata. Sa araw din na ito ay binabasbasan bago matapos ang misa ang mga batang nagsidalo upang mapagkalooban ng pagpapala na nagmumula sa Diyos.

 

Sa ating bayan, narito ang schedule ng mga prusisyon sa iba’t ibang parokya na nasasakupan ng bayan ng Baliwag

 

Parokya ng Sagrada Familia Tangos – 6:00 ng umaga

Parokya ng Mt. Carmel Sabang – 8:00 ng umaga

Nuestra Señora delas Flores – 8:00 ng umaga

Parokya ng Santo Rosaryo Makinabang – 2:00 ng hapon

Parokya ni San Agustin Bayan – 2:00 ng hapon.

 

Narito ang Ruta ng Prusisyon sa Parokya ni San Agustin

27043256_10155582565558702_499880419_n

 

Nawa ay maging makabuluhan ang ating Pagdiriwang ng Santo Niño at nawa ay ating ipanalangin ang mga bata sa ating bayan at sa ating bansa.

VIVA SANTO NIÑO VIVA!!!

 

Larawang kuha ni G. Boyet Luna

The Perkins Twins visit SMCB

“Don’t let your vices drag you down” -The Perkins Twins

Ignacian Marians started their day full of fun and inspiration as the social media pop stars and DepEd Youth Ambassadors “The Perkins Twins” visited the school to give meaningful speech about life. They are known for campaigning fight against smoking, drinking, drugs and bullying in school and community. Indeed, theyPerkins Twins are the epitome of well-mannered youth of today, just like what a true Ignacian Marian should be.

#ThePerkinsTwins@SMCB

SERBISYONG MAY MALASAKIT ; PARA SA LAHAT NG BALIWAGENYO!

Nagkaroon ng Program Review o Pag Susuri at Pag uulat sa programa ng DSWD Regional Office III na Pantawid Pamilyang Pilipino Program sa Bayan ng Baliwag nito lamang Enero 12, 2018.

Pinangunahan ng Masipag na Punong Bayan Ferdie Estrella ang pagtalakay sa mga aspeto ng pag papaunlad at pagpapasaayos pa sa programang ito na kung ma kukunsidera ng Pamahalaang National ay mas higit na mapapakinabangan ng mga Pamilyang Nangangailangan ang Benepisyo ng nasabing Programa.

Nasa nasabing PREW ang mga representante ng DSWD Region III na sina Ms Mercy Ventura, Aubree Chavez, Roschelle Ingco, Abigail Bautista at Ms Winona Reves na kumatawan para sa Regional Office ng DSWD na nagbaba ng naturang programa sa bayan. Naroon rin kasama ng Punong Bayan Ferdie Estrella si Ms Josephine Lopez, MSWDO ng Baliwag at Mr Alvin Lee Asuro para iulat ang mga mungkahing programa at tulong ng Pamahalaang Bayan para sa pag papabuti ng Pantawid Pamilya.

Ilan sa mga tulong na naibibigay na ng Pamahalaang Bayan ng Baliwag bukod sa naibibigay ng national government para sa mga Pantawid Beneficiaries ay ang pag bibigay ng mga trabaho at kasanayan sa pamamagitan ng PESO Baliwag, pag tugon sa mga pangkalusugang usapin tulad ng malnutrisyon na tinututukan ng Baliwag Nutrition Council, mga usapin ukol sa kalusugan ng sanggol at ng isang nagdadalang tao na ina na minomonitor ng Baliwag Health Unit, mga social issues tulad ng counselling para sa mga ina, ama o miyembro ng Pamilya na nangangailangan ng pag papaunawa na siyang tinutukan ng Baliwag MSWDO at marami pang ibang serbisyong handog ng Pamahalaang Bayan ng Baliwag hindi lamang sa mga miyembro ng Pantawid Pamilya bagkus ay handog para sa lahat ng Baliwagenyo.

Sa nasabing PREW ay dumalo ang anim na put isang Parent Leaders mula sa dalawamput pitong barangay ng bayan upang i represent ang isang libo at walong daan at tatlumput dalawang (1832) benepisyaryo ng Pantawid. Humiling ang mga ito na sila ay magkaroon ng Pagkilala sa katayuan nila bilang mga leader ng nasabing programa, ngunit higit dito ay Sinabi at tiniyak ng Punong Bayan Ferdie Estrella na sila ay mabibigyan ng ID ng Pamahalaang Bayan at Uniporme bilang pormal na pagtanggap at pagkilala sa mga ito bilang katuwang ng Pamahalaan Bayan sa pag iimplementa at pag sasaayos ng mga programa para sa mga Pamilyang nangangailangan. Tinalaga rin ng Punong Bayan sa naturang kaganapan si Ms Rosalie Teodoro, upang maging LGU Link ng bayan ng baliwag na personal na susubaybay at magbibigay tulong / serbisyo kasama ang mga taga DSWD Regional Office III sa mga benepisyaryo ng Pantawid sa Bayan ng Baliwag.

Lubos na nagalak ang Punong Bayan dahil narin sa magandang epekto ng programa sa mga buhay ng benepisyaryo nito, ngunit naglalayon parin ang Punong Bayan Ferdie na hindi dito matapos ang pagbabago at pag asenso ng mga Baliwagenyong minsan nang nabilang sa sinasabi ng NHTS-PR na poorest among the poor, ang nais ng Punong Bayan ay lahat ng Baliwagenyong nangangailangan ng tulong upang umasenso at magkaroon ng mas katanggap tanggap na estado ng pamumuhay ay maisama sa mga Programa at Serbisyong handog ng Pamahalaang Bayan ng Baliwag upang sa ganon ay walang sino mang Baliwagenyo ang Maiiwan sa pag unlad.

#serbisyongmaymalasakit #mfve #alagangestrella #dswd #dswdregionIII #pantawidpamilya

Kapit-Bisig para sa Kalikasan!

Ang Municipal Environment and Natural Resources Office (MENRO) ay patuloy sa pagsasagawa ng mga programa upang magbigay ng kaalaman at kamalayan sa pangangalaga sa ating kapaligiran. Isa sa mga programa ng MENRO ang Environmental Awareness Seminar kung saan inaanyayahan ang iba’t-ibang sektor sa ating lipunan upang maging kaisa sa makabuluhang gawaing ito.

Eco-Police 1

Bilang isa sa mga taga-pagpatupad sa kalinisan sa ating bayan, ang mga Eco-Police ay lumahok sa isinagawang Environmental Awareness Seminar noong ika- 5 ng Enero. Sa pamamagitan nito, sila ay natuto at nagkaroon ng mga dagdag-kaalaman tungkol sa mga batas pangkalikasan na malaking tulong sa kanilang ginagampanang tungkulin.

Baliwag TODA Federation2

Naging kaisa din sa isinagawang seminar  ang mga pangulo at miyembro ng Tricycle Operators and Drivers’ Association (TODA) ng Baliwag simula ika-10 hanggang 12 ng Enero, taong kasalukuyan. Ito ay  ginanap sa Baliwag Climate Change Center, DRT Highway, Pagala, Baliwag, Bulacan.

Layunin ng naturang seminar na mahikayat ang mga miyembro ng TODA na maging katuwang sa mga programa ng pamahalaang bayan patungkol sa pangangalaga ng kalikasan katulad ng kanilang pakikiisa sa Monthly Town-Wide Clean-Up Drive at iba pang mga programang pangkapaligiran.

Patunay lamang ito na ang mga Baliwagenyo ay hindi lamang nagmamalasakit, bagkus Kapit-Bisig pa para sa Kalikasan!

In my Opinion: Pasaheng Pasaway

____________________________________________Editorial: You may also contribute your views, opinions and commentaries. Email it at baliwagcitynewsonline@gmail.com

____________________________________________

Araw-araw daw traffic sa Metro Manila, sa San Fernando, sa Malolos at sa Baliwag. Wala na nga tayong pinagbubuntunan ng galit at sisi kung hindi ang mga pobreng MMDA at traffic enforcers. Actually, kahit na Superman at Darna baka mahirapan magtraffic enforcers sa Pilipinas. What we really need is a good mix of an efficient public transport system, infrastracture, policy implementation and qualified-trained personnel. 

Baliwag’s Traffic problem ay hindi po iba sa problema sa trapiko sa Maynila. Kailangan natin ng isang swak na public transport. Yung maraming masasakay at mumura ang pamasahe. Kung train or subway ang sagot sa Metro Manila baka sa Baliwag mga mini-jeep, mas ok kung electric. Ruta ng SM to Bayan; Candaba-San Roque-Bayan; Bayan San Rafael to Baliwag Bayan at SM; SM Pulilan to SM Baliwag. 

Sana lang ay nasa estado na ng social preparation ang pamahalaang lokal. Ibig sabihin, hinahanda na ang mga tricycle drivers sa nakaambang pagbabago ng sasakyang laan sa publiko.  Kung naghahanda man, paano naman kung hindi matanggap ng mga tricycle drivers o hindi sa kanila nakakarating na may ganyang programa. Hindi man nila tanggapin, wala itong patutunguhan kung hindi doon. Dahil patuloy na kokonti ang pasaheros dahil nagmotor na lang. Hindi mapipigilan ang pag-unlad ng pamumuhay at kung paano nito gustong magpalit-anyo. Gagawa at gagawa ito ng paraan para matama ang sistemang ito. At damang-dama ko na ito. Dahil ika nga, nasa rurok na ito. Kaya dapat, magseryoso naman ang gobyerno sa paghahanda sa kanila kung meron man. Kung wala ay para natin silang unti-unting tinuturukan ng lason. It takes political will, determined resolve at knowledge and deep understanding of what the problem really is.

Sa aking pagtatapos, nakakatawang isipin na bakit kailangan taasan ang pasahe lalo pa ang mga sumasakay dito ay ang mga hindi kayang bumili ng sasakyan o hindi kayang magmotor tulad ng mga senior citizens o kaya ay mga estudyante na karamihan ay iniraraos lang ng kanilang mga magulang. Hindi kaya ito overkill sa mga sektor na dapat sana ay pinapalakas pa. Ang pagtaas na pasahe ay hindi maganda para sa kahit anong anggulo dahil kaya nitong magpahinto ng pag-aaral; magpataas ng pasahe; magpapabagal sa ekonomiya; at magpapahina pang lalo sa mahinang sektor. 

Editorial. Ang blog ay kontribusyon ni J. Azores, 28 years old mula sa Brgy. San Jose, Baliwag, Bulacan.q×w

Mga mag-aaral mula sa Canada, naghandog ng saya sa mga Baliwagenyo!

ni Gerard Mhel Tolentino

Masayang nakisalamuha ang mga mag-aaral mula sa Toronto Catholic District School (TCDS) sa tatlumpung (30) pamilya na benepisyaryo ng shelter project handog ng Answering the Cry of the Poor (ANCOP) at Pamahalaang Bayan ng Baliwag sa pangunguna ni Igg. Mayor Ferdie V. Estrella.

Nagpamahagi ang ating mga nabanggit na bisita ng nga laruan, sapatos at damit na talaga namang ikinasaya ng bawat pamilya. Sila rin ay limang (5) araw naging katuwang sa pagtatayo ng libreng pabahay na tatawaging Starville 4 at matatagpuan sa Brgy. Piel, Baliwag, Bulacan.

Lubos ang pasasalamat ng pamunuan ng TCDS dahil sa mainit na pagtanggap sa kanila at sa karanasan ng kanilang mga mag-aaral na makapaglingkod at makatulong sa mga nangangailangan.

Paggunita ng Kapistahan ng Mahal na Poong Nazareno sa Parokya ni San Agustin

Ngayong ika-9 ng Enero ay ipagdiriwang ng ating Simbahang Katolika ang Paggunita sa Kapistahan ng Mahal na Poong Nazareno sa ating bansa. Ito ay isa sa mga pagdiriwang na dinarayo ng mga Katolikong Pilipino hindi lamang sa Quiapo kundi pati sa iba’t-ibang mga Parokya na ipinagdiriwang ang Pistang ito.

Sa ating parokya ni San Agustin, atin din pong ipagdiriwang ang Kapistahan ng Mahal na Poong Nazareno sa pangunguna ng Kapatirang Nazareno.

Ang mga Misa po natin sa Enero 9, Kapistahan ng Mahal na Poong Nazareno ay 5:30 ng umaga, ika-7 ng umaga at ika-5:30 ng hapon. Ang pagpuprusisyon ng Imahe ng Poong nazareno ay gaganapin matapos ang ika-5:30 ng hapon na misa.

Gayun din naman, itatanghal ang imahe ng Nazareno sa patio ng simbahan buong araw bukas para sa mga nais magpunta at magdasal.

Nawa ay maging makabuluhan ang ating gagawing paggunita sa Kapistahan ng Nazareno sa ating bayang Baliwag.

Nuestro Padre Jesus Nazareno, maawa ka sa amin.nazarenoLarawang kuha ni G. Willie Domingo

Baliwag BPLO: “Negosyanteng Pasaway, Hindi Irerenew!”

Baliwag, Bulacan – Kamakailan nga ay nagbigay na naman ng babala ang Business Permits and Licensing Office na hindi nito papayagang makapag renew ang mga negosyante o establisyimento na hindi tumatalima sa mga direktiba ng iba’t- ibang mga tanggapan ng lokal na pamahalaan ng Baliwag. “Alinsunod ito sa kautusan ng punongbayan na huwag irenew ang mga establisyimento na sa kabila ng mga abiso at sulat ay tahasan ang pagsasawalang bahala at unabis na walang ginawang aksyon,” pagtatapos ni G. Henry Cruz.

Tinutukoy ng Business Permits and Licensing Head Henry Cruz na ang mga clubs na may (provisional) permit na hindi nakatupad sa usapan ay agaran ng isasara o hindi na bibigyan ng kaukulang permit base sa rekomendasyon ng Municipal Health Office.

Gayon din, ang mga establisyimentong may parking space ngunit ginagamit na display area lamang.


MENRO NAGBABALA SA MGA JUNKSSHOPS

Nagbabala naman ang Municipal Environment and Natura Resources Office sa mga junkshops sa Brgy. Bagong Nayon at Santo Cristo na sila ay ipapasara o irerekomenda ang pagsasara kung patuloy nila na iisnabin ang batas na nagbabawal sa pagsusunog. Ang mga junkshops ay patuloy na nagkakalat at nagsusunog ng inalis na foam mula sa mga refrigerator. Kamakailan nga ay rumisponde ang Baliwag Bureau of Fire Protection matapos na lumaki ang apoy sa sinunog na mga basura mula sa mga junkshops sa may Lopez Jaena Street.

Sitting Pretty Campaign sa Baliwag, Sa Ikalawang Taon Nito

26235499_10155004000041175_249040146_n

Sitting Pretty – parirala o idyomang nangangahulugan sa wikang Ingles na in a very pleasant position, living in comfort, living in a good situation. Pinili nga ang dalawang salitang ito upang hubugin  ang pagbibigay ng serbisyo ng Pamahalaang Bayan ng Baliwag na may kaugnayan sa pagpapadali ng pag-aaplay ng business permit at kaagapay na aktibidad nito.

 

26241394_10155004003026175_2020511111_n

Ang paglagda ni Mayor Ferdie Estrella sa Executive No. 31 Series of 2016 o Institutionalizing the Sitting Pretty Campaign ay pagtalima sa inilabas na Joint Memorandum Circular 01, Series of 2016 sa pagitan ng DICT, DTI at DILG patungkol sa streamlining process sa pag-aplay ng business permit . Ito ay nagbigay daan upang tumugon sa repormang inaasahan o higit pa sa Business Permit and Licensing System na kinabibilangan ng processing time, number of steps, form used and number of signatories kasama na rin ang iba pang complementary reforms  tulad ng setting-up of a Business One-Stop-Shop (BOSS), conducting Joint Inspection at automating business permit application processes.

 

26551555_10155004000216175_254983316_n

Nasa ikalawang taon na ng implementasyon ang Sitting Pretty Campaign na talaga namang malaki ang nagiging magandang dulot sa mamamayan. Sa unang taon nito, napabilis at napagaan ang proseso ng pagkuha ng business permit new or renewal man. Napatunayang nakatulong ito sa pagdagdag ng mga bilang ng mga negosyong rehistrado na merong 3,473 taong 2017 mula sa 2,529 noong  2016 na may 37.33 porsiyento na pagtaas ng bilang. Ito ay nagresulta rin sa pag-akyat ng koleksiyon ng lokal na buwis at pagkakaroon ng magandang  feedback mula sa mga negosyante maliit man o malaki.

Kaya naman  sa mga negosyante at nagnanais mapabilang sa mga namumuhunan sa Baliwag, isang tunay na kapakinabangan ang pagkakaroon ng Sitting Pretty Campaign. Ito ay kabahagi  pa rin sa mga repormang isinusulong  ng serbisyong may malasakit ni Mayor FVE.

Ang paglulunsad sa makabagong PALIT-BASURA STORE

pb

Bilang bahagi sa tagumpay ng Palit-Basura Store noong nakaraang taon, ang pamahalaang bayan ng Baliwag katuwang ang Municipal Environment and Natural Resources Office (MENRO) at Public Employment Service Office (PESO) ay muling maghahandog ng Palit-Basura Store para sa mga Baliwagenyo. Ngunit, para sa taong 2018, ating masasaksihan ang ilulunsad na mga bagong Palit-Basura Store kung saan magkakaroon na rin ng mga Palit-Basura Store sa mga barangay at maging sa mga piling paaralan sa Baliwag.

Ang Palit-Basura Store sa Barangay ang magsisilbing palitan ng mga kalakal sa Barangay (plastik, bote atbp.) na maaaring ipalit ng bigas, shampoo, de lata at iba pa. Gayundin sa mga paaralan, kung saan maaaring makapagpalit dito ang mga mag-aaral ng ballpen, pantasa, papel at iba pang mga gamit-pampaaralan.

Layunin ng bagong Palit-Basura Store na maging katuwang ng pamahalaan ang mga barangay at mga paaralan sa paghahandog ng Serbisyong may Malasakit hindi lamang para sa mga Baliwagenyo gayundin sa pangangalaga sa ating kapaligiran.