BALIWAGENYO, HANDA KANABA?

Sa darating na Hunyo 21, 2018 ay isasagawa ang 2nd Quarter Nationwide Simultaneous Earthquake Drill sa bansa, alinsunod sa abisong pinalabas ng Office of Civil Defense at NDRRMC, at bilang tugon, sa pangunguna ng Punong Bayan Ferdinand V. Estrella ay isasagawa ang naturang Drill sa ganap na 02:00 ng hapon sa mga piling pampubliko at pribadong gusali sa Munisipalidad, katuwang ang Baliwag Municipal Disaster Risk Reduction and Management Council.

Ilan sa mga nasabing gusali o lugar ay ang mga sumusunod; Ang bawat pampublikong paaralang Elementarya sa Munisipalidad ng Baliwag, Baliwag Municipal Compound, Baliwag Museum, Baliwag Star Arena, SM City Baliwag, Malasakit Center, Agriculture Building, Baliwag Local Climate Change Center, Baliwag Polytechnic College, STI, Fernandez Colleges, Baliwag Water District at mga Barangay.

 

Nagkaroong na inisyal na pagpupulong ang mga kawani ng tanggapan ng Municipal Disaster Risk Reduction and Management Office sa inisyatibo ng Punong Bayan Ferdinand V. Estrella na magkaroon ng maayos at epektibong pagsasagawa ng naturang Earthquake Drill, na siyang magagamit ng bawat Baliwagenyo sa oras na magkaroon ng pagyanig o paglindol. Inaasahan na magkaroon ng pagpupulong bukas sa bawat organisasyon/ tanggapan na makikiisa sa nasabing NSED, para sa wastong pagdaraos ng Earthquake Drill at Evacuation.

Layunin ng nasabing NSED ang palaganapin ang wastong kaalaman sa pagtugon sa di inaasahang pag yanig o lindol, bilang prayoridad ng Punong Bayan ang kaligtasan ng bawat Baliwagenyo, ay hindi magtatapos sa NSED ang pagpapalaganap ng kaalaman at kakayahan tungo sa kaligtasan, naka iskedyul nadin ang pagdaraos ng basic first aid training at iba pang Training at Seminar para sa bawat Baliwagenyo upang lalong higit na maging handa at alerto ang bawat Baliwagenyo sa pag respunde sa anu mang uri ng kalamidad.

Serbisyong may malasakit, at serbisyong garantisadong may positibong may resulta, yan ang tatak Baliwag! taas noo kahit saan man sa mundo!

Para sa anu mang katanungan ukol sa Baliwag NSED, maari nyo pong iparating ang inyong mga suwestyon, rekomendasyon at katanungan sa mga sumusunod na uri ng komunikasyon

Mobile: 0917-505-STAR (7827)     0939-999-STAR (7827)

Phone: (044) 764-4438

baliwagmdrrmo@gmail.com

RITMO BALIWAGENYO: EKSIBISYON NG YAMANG SINING AT MUSIKA

Nito lamang nakaraang Pebrero 23, 2018 ay pormal na Nagsimula ang “Ritmo” Eksibisyon alinsunod sa pagdiriwang sa buwan ng sining na iginayak sa Museo ng Baliwag sa Pangunguna ng Punong Bayan Ferdie Estrella.

Nagkaroon ng ceremonial ribbon cutting, hudyat ng pagbubukas ng Museo ng Baliwag sa mga panauhin at Baliwagenyong nais masilayan ang yaman ng kultura at sining na matatagpuan sa nasabing eksibisyon. Pinangunahan ng punong Bayan Ferdie Estrella ang nasabing seremonya na kung saan nakasama nito ang mga bata na lumibot sa nasabing museo.

Nagkaroon ng munting salu salo handog ng Pamahalaang Bayan sa mga bisita at panauhin habang sila ay inaliw ng mga piling pagtatanghal mula sa mga Baliwagenyong kinikilala angking galing sa sining at musika.

Naghandog ng kanilang himig ang FLUMA VIRON ng Cuerdas, CUERDAS RONDALLA, pag awit mula kay Ms. Sofia Novielle Santos ng Baliuag School of Music and Arts at si Ginoong Mark Villanueva na siyang hinarana ang mga panauhin sa kanilang natatanging pag himig gamit ang violin at rondalla, sumayaw naman ang mga piling mag aaral ng Sto. Niño Highschool sa indayog ng pandango.

Nagtanghal rin sina Prvt. Luisito Mateo Jr at Srgt. Rexie Tayao ng Philippine Army Band. Gayun din ang pagtatanghal ng mga baliwagenyong banda, mga orihinal at reindisyong tugtugin mula sa Kulaspiro, The Herschel at Roots Remedy.

Tunay nga na napakayaman ng ating bayan di lamang sa kasaysayan, kultura at sining, ngunit maging sa mga talento sa pag awit at pag tugtog ng mga instrumento na siyang lumilikha ng napakagandang himig.

Ang Ritmo Baliwag ay Bukas sa publiko hanggang Marso 23,2018, Lunes hanggang Biyernes 8-5 ng hapon maliban sa araw ng sabado at linggo. Ang Baliwag Museum sa pangunguna ni Ms. Jesusa Garcia Villanueva (Municipal Curator) ay inaanyayahan ang bawat Baliwagenyo na sariwain at yakapin ang mayamang kasaysayan at kultura ng Baliwag hindi lamang sa sining at musika maging sa pagguhit at pagsulat.

#baliwagarts #baliwagmuseum #artsmonth #galingngbaliwagenyo #himigbaliwag

B! ALERT (Baliwag All Ladies Emergency Response Team

Nitong nakaraang Pebrero 07, 2018 ay pinulong ng Lokal na Pamahalaan ng Baliwag sa Pangunguna ng Punong Bayan Ferdie Estrella ang ibat ibang organisasyon o institusyon na maaring maging katuwang ng pamahalaang lokal sa programang B!ALERT na inisyatibo ng Punong Bayan.

Ang Baliwag All Ladies Emergency Response Team (B!ALERT) ay isa sa mga programa ng pamahalaang bayan upang ipamahagi ang mga kaalaman at kasanayan ukol sa kahandaan sa sakuna o trahedya.

Ang nasabing programa ay bubuuin ng mga baliwagenya o mga kababaihan na boluntaryong magiging katuwang ng pamahalaan sa pagpapalaganap ng Disaster Preparedness initiatives.

Dumalo sa pagpupulong ang mga representante ng Fernandez Colleges, Baliwag Polytechnic College, Baliwag Water District, Baliwag North and South District, Pantawid Pamilyang Pilipino Program, Early Childhood Care and Development Teachers and Parents upang magpakita ng suporta at interes sa nasabing programa.

Nagkaroon ng dayalogo sa pagitan ng MDRRMO at ng mga partisipante ukol sa magiging daloy ng programa na inaasahang ilunsad kasabay ng Women’s Month Celebration and Fire Consciousness Awareness Month sa buwan ng Marso.

Naging matagumpay ang nasabing pag uusap na kung saan maging ang Pamunuan ng nga Paaralan ay nakita ang posibilidad na maging kabahagi ng Pamahalaan ang mga Mag aaral sa pag papalaganap ng Disaster Preparedness sa komunidad.

KONSEHO NG NUTRISYON: MAAYOS NA KALUSUGAN NG BAWAT BALIWAGENYO

Nito lamang Pebrero 06, 2018 ay nagkaroon ng pagpupulong ang miyembro ng Baliwag Nutrition Council na pinangunahan ng Punong Bayan Ferdie Estrella. Ang pagpupulong ay tumuon sa mga isyung pang kalusugan ng bawat baliwagenyo na ninanais ng Lokal na Pamahalaan na mas maiangat pa ang estado at matiyak na ang bawat mamayan ay malusog at magkaroon ng serbisyong pang kalusugan mula sa ating pamahalaan.

Tinalakay ang magkakatuwang na pag tugon sa mga pangangailangan ng mga batang Baliwagenyo na nasuring may malnutrisyon. Mula sa 190 na mga bata nuong nakaraang taon ngayon ay nasa kumulang 120 nalamang na mga bata ang nasa nutrition program ng bayan na patuloy na nagpapakita ng magandang pagbabago sa kanilang timbang.

Nagkaroon ng pagsasalaysay ang bawat departamento alinsunod sa kanilang magiging importanteng parte sa pagtitiyak na ang mga batang ito ay patuloy na gumanda ang nutrisyon at maayos na marehabilitate tungo sa mas malusog na pangangatawan.

Tiniyak ng Punong Bayan Ferdie Estrella na ang bawat programang naka angkla sa pag resulba sa suliraning pangkalusugan ng bawat mamamayan ay tututukan nyang personal at bibigyan ng higit na suporta at prayoridad upang matiyak na ang bawat batang baliwagenyo ay makatanggap ng ayuda at suportang kinakailangan upang maisayos ang kanilang kalusugan.

Matatag at tiwala ang Pamahalaang Lokal ng Bayan na mareresulba ang mga suliranin sa kalusugan ng mga baliwagenyo dahil sa magkakatuwang na pag tutulungan ng bawat isa tungo sa mas malusog na pangangatawan ng bawat mamayan.

Dahil sa bayan ng Baliwag, walang sino man ang Maiiwan!

#baliwag #baliwagnutritioncouncil #wastongnutrisyonparasalahat

DISASTER PREPAREDNESS AND FIRST AID TRAINING ISINAGAWA SA BALIWAG WATER DISTRICT

Isa sa mga hakbang upang matiyak na laging “Listo” at “Handa” ang bawat Baliwagenyo sa anu mang uri ng sakuna ay ang pagbibigay ng wastong kaalaman at kasanayan sa bawat Baliwagenyo.

Kaya naman sa Pangunguna ng Punong Bayan Ferdie Estrella ay inatasan nito ang Municipal Disaster Risk Reduction and Management Office, Baliwag Rescue FVE na magkaroon ng Training Seminar sa parehas na Pampubliko at Pribadong Sektor.

Sa taong 2018 ay lilibot ang MDRRMO Training Unit upang magbaba ng mga kaalaman at kasanayan ukol sa tamang pag respunde sa ibat ibang uri ng Sakuna o Disaster at pagbibigay kasanayan sa Pangunang Lunas o First Aid, hindi lamang sa mga Pribadong Kumpanya maging sa lahat ng Paaralan sa Baliwag, mga Barangay at sambahayang malimit maapektuhan ng pag baha at sa lahat ng mga Vulnerable Sectors ng Bayan.

Isa ang Baliwag Water District sa mga nabigyan ng Training Seminar ukol sa Disaster Preparedness and First Aid nito lamang Pebrero 02, 2018 alinsunod narin sa kanilang kahilingan na magkaroon ng nasabing programa sa nasabing petsa.

Asahan ang paglibot ng Baliwag MDRRMO Rescue FVE sa mga barangay at paaralan sa ating bayan sa kanilang pag sasagawa ng mga Training Seminar ukol sa kahandaan sa ibat ibang uri ng Sakuna, isa sa mga hakbang upang matiyak na Laging Handa ang bawat baliwagenyo sakali mang tayo ay dumanas ng isang kalamidad.

Dahil sa bayan ng Baliwag, Laging “I am Ready” at laging “Listo, Baliwagenyo!”.

STRUGGLING READERS VOLUNTEERS

Dahil sa Adbokasiya ng Punong Bayan Ferdie Estrella na mailapit at matiyak ang Dekalidad na Edukasyon para sa lahat ng Batang Baliwagenyo, ay nagkaroon ng isang Espesyal ng Programa ang Pamahalaang Bayan upang matugunan ang suliranin ng mga batang Baliwagenyo na nagkakaroon ng suliranin o “Struggle” sa tamang pagbigkas at pagbasa, na kalimitang nasa ikalawa o ikatatlong antas sa Elementarya.

Upang magkaroon ng “Magkakatuwang” na pag tugon at pagtulong sa mga batang ito, na kalimitan ay hindi kayang mag hire ng mga pribadong tutor upang itama at iwasto ang kanilang suliranin sa pagbigkas at pagbasa, tinipon ng Punong Bayan Ferdie Estrella ang mga Kampeon ng bayan ng Baliwag sa Larangan ng Edukasyon, kabilang ang mga District Superintendent ng Baliwag North and South, Baliwag Polytechnic College, Fernandez College, Early Childhood Care and Development at ang mga Boluntaryong Baliwagenyo na magiging Katuwang ng Pamahalaang Bayan sa Pag tugon sa nasabing suliranin.

Boluntaryong pinangunahan ni Ms. Fidji Rivera-Sarmiento, Special Ed. Teacher kilala hindi lamang sa bayan ngunit maging sa Amerika na pangunahan ang paglikaha ng program tool na tutulong sa mga boluntaryo sa pag tulong sa mga mag aaral mula sa Baliwag North and South District.

Nagkaroon ng paunang oryentasyon sa mga Boluntaryo na umabot sa limampung (50) mga indibidwal, ang tumugon sa panawagan ng Punong Bayan na magiging Katuwang ng Pamahalaan sa pagtulong sa mga nasabing mag aaral.

Nagkaroon ng paguusap at konsultasyon sa pagitan ng mga Boluntaryo at ng Struggling Readers Committee upang sa ikasasaayos ng pagpapadaloy ng Programa, matapos ang nasabing Oryentasyon ay nagkaroon ng mag iiskedyul ng training para sa mga boluntaryo upang masa epektibo nilang maiimplementa ang program tool para sa mga struggling readers, na susundan ng deployment ng mga ito sa pinaka malapit na paaralan sa kanilang tirahan at masimulang maitawid ang bawat struggling readers sa pagiging proficient readers.

Tunay nga na nakakatuwa na dahil sa Adbokasiya ng Punong Bayan Ferdie Estrella na magkaroon ng Magkakatuwang na pagtugon sa mga suliranin sa ating bayan ay marami ng Baliwagenyo ang ating nagiging katuwang at kasama sa patuloy na pag papasaayos at pagpapaunlad ng ating Bayan.

Sama sama, tulong tulong, tuloy tuloy ang pag positibong pag babago at pag unlad ng bawat Baliwagenyo, tungo sa mas maayos, masagana at asensadong Bayan ng Baliwag!

Sa ngalan ng Serbisyong May Malasakit!

PAGBISITA NG RELIC OF ST. THERESE AT ANG KAPATIRAN 2018 SA BAYAN NG BALIWAG

Dahil narin sa epektibong Pamumuno ng Punong Bayan Ferdie Estrella ay nakikilala ang Bayan ng Baliwag sa marami at ibat ibang aspeto ng Kagalingan at Kaunlaran, dahil dito ay hindi lamang mga Mamumuhunan o mga Investors ang naeenganyong bumisita at magtungo sa ating bayan, ngunit maging mga turista mula sa malalayong bayan, probinsya at rehiyon at maging sa Ibang Bansa pa.

Nito lamang ay nagkaroon ng pagpupulong ukol sa Pagbisita ng “Relic of St. Therese, of the Child of Jesus” na magmumula sa France at ang Gaganaping Kapatiran 2018 sa Bayan din ng Baliwag.

Sa pamumuno ng Punong Bayan Ferdie Estrella ay nagkaroon ng pagpupulong sa pagitan ng mga Nakatalagang Focal Person sa dalawang nasabing aktibidad at ng mga pinuno ng Tanggapan ng PNP, Baliwag Traffic Management Office, Municipal Disaster Risk Reduction and Management Office, Public Information Office, Baliwag Web TV, Municipal Information, Communication  and Technology Office at ng Municipal Administrator ukol sa maayos at magkatuwang na pag papadaloy ng mga nasabing aktibidad.

Naatasan ng Punong bayan ang mga nasabing tanggapan upang tiyakin ang kaligtasan ng bawat Bisita, at mga Baliwagenyong makikilahok sa mga nasabing Religious Activity. Gayundin ang maayos na daloy ng trapiko, mga nakaantabay na Rescuers o First Aiders para sa kaligtasan ng mga tao, at ang pag kakaroon ng pag uulat mula sa PIO at Baliwag Web TV para sa kaalaman at kabatiran ng bawat Baliwagenyo at Mamayang naka tuon  sa mga aktibidad na ito.

Ang “Relic of St Therese” ay naka iskedyul ngaung araw, Pebrero 04, 2018 na bumisita sa “Makinabang Parish” at dadalin patungo sa “St Agustine Parish” sa Poblacion, Baliwag Bulacan, para ruon ay mabisita at makita ng mga deboto at mga tao ang nasabing reliko. Ang Nasabing Relic ay lalagi sa nasabing Simbahan hanggang Pebrero 05, 2018, Lunes 03:00 ng hapon bago ito ilipat sa Bayan ng Angat, Bulacan.

Ang Kapatiran 2018 naman ay isasagawa sa Pebrero 10, 2018 mula 04:00 ng umaga hanggang 12:00 ng tanghali. Ang nasabing Kapatiran ay ang pag titipon tipon ng mga Seminarista at ibat  ibang pinuno ng Simbahang Katolika mula sa ibat ibang rehiyon ng Bansa, tinatayang nasa 800- 1000 mga partisipante/ bisita ang magtutungo sa ating bayan sa nasabing araw upang dumalo sa Kapatiran.

Tunay nga na sa Pamumuno ng Punong Bayan Ferdie Estrella ay nakikilala ang angking ganda ng ating bayan, at kagalingan ng bawat baliwagenyo, hindi lamang sa ating probinsya, rehiyon at maging sa ibang bansa.

Dahil sa Magkakatuwang nating pagsasagawa ng mga programa at aktibidad na naglalayon sa pagpapaunlad ng bawat Baliwagenyo ay nakakatuwang maraming tao na ang nakakabatid ng Maganda at Produktibong Pag Unlad ng ating Bayan.

Sa ngalan ng Serbisyong may Malasakit, Walang sino mang Baliwagenyo ang Maiiwan, Baliwagenyo Taas Noo, Baliwagenyo Ako!

 

BALIWAG QMS TEAM: DEKALIDAD NA SERBISYO PARA SA LAHAT NG BALIWAGENYO

Alinsunod sa kapasyahan ng Punong Bayan Ferdie Estrella ay magsagawa ang Quality Management System Team ng Pagsusuri sa bawat Opisina at Departamento ng Pamahalaang Bayan ng Baliwag, ito ay naglalayon na mas mapabuti at mapasaayos ang bawat serbisyong handog para sa bawat Baliwagenyo.

Sa kagustuhan ng Punong Bayan na mas mailapit ang mga dekalidad na serbisyo sa bawat mamamayan ay sumasailalim sa paghahanda ang bawat opisina para sa nalalapit na ISO Internal at External audit. Ang nasabing review ng QMS Team ay isasagawa sa bawat araw ng Martes at Huwebes sa buwan ng Pebrero.

Ang mga miyembro ng QMS Team sa pangunguna ng Punong Bayan at ng Pambayang Taga Pangasiwa kasama ang ilang pinuno ng tanggapan ay magkakatuwang sa pag tulong sa bawat tanggapan na mapasaayos ang bawat sistema at mapabilis ang daloy ng bawat proseso upang higit na makapaglingkod sa nakararaming Baliwagenyo sa pinaka maagap na pamamaraan.

Asahan na sa mga darating na mga buwan ay unti unti pang mapapabuti at maisasaayos ang bawat Serbisyong May Malasakit na Handog ng Lokal na Pamahalaang Bayan ng Baliwag sa Pangunguna ng Punong Bayan Ferdie Estrella na nag titiyak na “Walang sino Mang Baliwagenyo pa ang Maiiwan”, sa ngalan ng serbisyong May Malasakit at May Puso, Sama sama, lahat tayo, Asensado, Baliwagenyo!

KASANAYAN PANGKABUHAYAN HANDOG SA MGA SOLO PARENT!

Ang pagiging magulang ang isa sa pinakamahirap gampanan na responsibillidad dito sa ating mundo. Ngunit paano pa kung mag-isa kang tatayo bilang ama at ina ng iyong mga anak?

Batid ni Mayor Ferdie V. Estrella ang problemang dinaranas ng sektor ng mga “Solo Parents” kaya naman sa kanyang pangunguna ay nagsagawa ang Pamahalaang Bayan ng Baliwag ng mga pagsasanay na magagamit ng mga ulirang magulang upang sila ay magkaroon ng mapagkakakitaan. Nito lamang Enero 26-27, 2018 ay may kabuuang apatnapu’t limang (45) solo parents ang masuwerteng sumailalim sa Beauty and Wellness, Candle Making, Gift Wrapping at Party Balloons-Flower Arrangement training.

At upang masiguro na kanilang magagamit ang kasanayan para sa kanilang pangkabuhayan, tatanggap ang mga benepisyaryo ng mga paunang kagamitan na aabot sa halagang limang libong piso (Php5,000.00). Tunay ngang malapit sa puso at mahal ni Mayor Ferdie ang mga Solo Parents sa bayan ng Baliwag!

akda ni: Gerard Mhel Tolentino

PARA SA MAS LIGTAS AT MAAYOS NA KOMUNIDAD.

Nito lamang Enero 26, 2018 sa Pangunguna ng Punong Bayan Ferdie V. Estrella, ay nagkaroon ng pagpupulong ang mga miyembro ng Municipal Disaster Risk Reduction and Management Council (MDRRMC), Municipal Peace and Order Council (MPOC) at Municipal Anti Drug Abuse Council (MADAC) upang talakayin ang kasalukuyang kalagayan ng Kaligtasan at kaayusan sa ating bayan alinsunod narin sa mga programa at adbokasiyang pinaiiral sa ating komunidad.

Napagusapan sa nasabing pagpupulog ang mga programang ilulunsad alinsunod sa pagtitiyak na ang bawat Baliwagenyo ay laging handa sa anu mang oras ng Kalamidad o Sakuna na maaring maranasan sa komunidad. Ang FVE o Family Vulnerability Elimination na magsasagawa ng kasanayan at kahandaan para sa bawat Pamilyang Baliwagenyo, ang ALERT o All Ladies Emergency Rescue Team na bubuuin ng mga boluntaryong kababaihan sa buong Baliwag na sasanayin sa ibat ibang Search and Rescue Skills, at ang FVE Badge Program na tutukoy sa limang aspeto ng kagalingan ng isang establisyemento na kung saan kasama ang Peace and Order at Disaster Preparedness.

Tinalakay rin sa pagpupulong ang Peace and Order and Public Safety (POPS) Plan na kung saan ang bawat departamento ay inaasahang makamit ang kanilang tinarget alinsunod sa adbokasiya ng Punong Bayan na maging maayos at ligtas ang buong bayan sa lahat ng oras, ang planong ito ay nagsimulang maimplementa matapos ang pagkakabuo nito nuong taong 2016 at tatagal ng 3 taon (2019) na kung saan magkakaroon ng pagsusuri kung ang naturang plano ay naging epektibo sa pagpapanatili ng kaayusan at kapayapaan sa ating Bayan.

Napag usapan rin ang maayos at epektibong implementasyon ng mga Anti Drug Abuse and Rehabilitation Programs ng bayan na kung saan kapansin pansin ang mataas na porsyentong pagbaba ng mga indibidwal na naapektuhan ng nasabing pinagbabawal na gamot at mataas na porsyento ng mga na rehabilitate sa ating Bayan.

Nasa nasabing pagpupulong sina Michael Ismael Flores at Conrado De Guzman ng PACC, SPO1 Ronald Tariga, PC1 Gregorio Santos, PO1 Jean Bernadette Cortez ng Baliwag PNP, Milagros Macabatao at Alejandro Fernando ng Baliwag North and South District, Alvin Lee C. Asuro, Marvin Castro at Jenny Rose Hernadez ng MDRRMO, Mary Joan Dinlasan ng MHO, Arsenia Huertazuela ng MAO, Francis Pineda ng BTMO, Josephine Lopez ng MSWDO, Russel Hugo ng NUTRIPOP, SFO2 Jay Cruz ng BFP, Antonio Sablan ng PIO at ang Municipal Administrator, Enrique V. Tagle sa pamumuno ng Punong Bayan Ferdie Estrella.

Nagkaroon ng pagkakasundo ang bawat miyembro ng council na magkaroon ng bukod na pagpupulong ang bawat cluster o lupon upang pagtuunan ng pansin ang paggawa ng Integrated Plan para sa kanilang cluster na naayon sa ikaaayos at ikabubuti ng pangkalahatang plano para sa Bayan ng Baliwag.

Dahil sa Bayan ng Baliwag, ang bawat Baliwagenyo ay nararapat na ligtas at laging handa sa anu mang oras.

#mdrrmc #mdrrmo #mpoc #madac #peaceandordercluster #baliwagenyo #mfve #baliwag #ligtasatlaginghanda

SERBISYONG MAY MALASAKIT ; PARA SA LAHAT NG BALIWAGENYO!

Nagkaroon ng Program Review o Pag Susuri at Pag uulat sa programa ng DSWD Regional Office III na Pantawid Pamilyang Pilipino Program sa Bayan ng Baliwag nito lamang Enero 12, 2018.

Pinangunahan ng Masipag na Punong Bayan Ferdie Estrella ang pagtalakay sa mga aspeto ng pag papaunlad at pagpapasaayos pa sa programang ito na kung ma kukunsidera ng Pamahalaang National ay mas higit na mapapakinabangan ng mga Pamilyang Nangangailangan ang Benepisyo ng nasabing Programa.

Nasa nasabing PREW ang mga representante ng DSWD Region III na sina Ms Mercy Ventura, Aubree Chavez, Roschelle Ingco, Abigail Bautista at Ms Winona Reves na kumatawan para sa Regional Office ng DSWD na nagbaba ng naturang programa sa bayan. Naroon rin kasama ng Punong Bayan Ferdie Estrella si Ms Josephine Lopez, MSWDO ng Baliwag at Mr Alvin Lee Asuro para iulat ang mga mungkahing programa at tulong ng Pamahalaang Bayan para sa pag papabuti ng Pantawid Pamilya.

Ilan sa mga tulong na naibibigay na ng Pamahalaang Bayan ng Baliwag bukod sa naibibigay ng national government para sa mga Pantawid Beneficiaries ay ang pag bibigay ng mga trabaho at kasanayan sa pamamagitan ng PESO Baliwag, pag tugon sa mga pangkalusugang usapin tulad ng malnutrisyon na tinututukan ng Baliwag Nutrition Council, mga usapin ukol sa kalusugan ng sanggol at ng isang nagdadalang tao na ina na minomonitor ng Baliwag Health Unit, mga social issues tulad ng counselling para sa mga ina, ama o miyembro ng Pamilya na nangangailangan ng pag papaunawa na siyang tinutukan ng Baliwag MSWDO at marami pang ibang serbisyong handog ng Pamahalaang Bayan ng Baliwag hindi lamang sa mga miyembro ng Pantawid Pamilya bagkus ay handog para sa lahat ng Baliwagenyo.

Sa nasabing PREW ay dumalo ang anim na put isang Parent Leaders mula sa dalawamput pitong barangay ng bayan upang i represent ang isang libo at walong daan at tatlumput dalawang (1832) benepisyaryo ng Pantawid. Humiling ang mga ito na sila ay magkaroon ng Pagkilala sa katayuan nila bilang mga leader ng nasabing programa, ngunit higit dito ay Sinabi at tiniyak ng Punong Bayan Ferdie Estrella na sila ay mabibigyan ng ID ng Pamahalaang Bayan at Uniporme bilang pormal na pagtanggap at pagkilala sa mga ito bilang katuwang ng Pamahalaan Bayan sa pag iimplementa at pag sasaayos ng mga programa para sa mga Pamilyang nangangailangan. Tinalaga rin ng Punong Bayan sa naturang kaganapan si Ms Rosalie Teodoro, upang maging LGU Link ng bayan ng baliwag na personal na susubaybay at magbibigay tulong / serbisyo kasama ang mga taga DSWD Regional Office III sa mga benepisyaryo ng Pantawid sa Bayan ng Baliwag.

Lubos na nagalak ang Punong Bayan dahil narin sa magandang epekto ng programa sa mga buhay ng benepisyaryo nito, ngunit naglalayon parin ang Punong Bayan Ferdie na hindi dito matapos ang pagbabago at pag asenso ng mga Baliwagenyong minsan nang nabilang sa sinasabi ng NHTS-PR na poorest among the poor, ang nais ng Punong Bayan ay lahat ng Baliwagenyong nangangailangan ng tulong upang umasenso at magkaroon ng mas katanggap tanggap na estado ng pamumuhay ay maisama sa mga Programa at Serbisyong handog ng Pamahalaang Bayan ng Baliwag upang sa ganon ay walang sino mang Baliwagenyo ang Maiiwan sa pag unlad.

#serbisyongmaymalasakit #mfve #alagangestrella #dswd #dswdregionIII #pantawidpamilya

Mga mag-aaral mula sa Canada, naghandog ng saya sa mga Baliwagenyo!

ni Gerard Mhel Tolentino

Masayang nakisalamuha ang mga mag-aaral mula sa Toronto Catholic District School (TCDS) sa tatlumpung (30) pamilya na benepisyaryo ng shelter project handog ng Answering the Cry of the Poor (ANCOP) at Pamahalaang Bayan ng Baliwag sa pangunguna ni Igg. Mayor Ferdie V. Estrella.

Nagpamahagi ang ating mga nabanggit na bisita ng nga laruan, sapatos at damit na talaga namang ikinasaya ng bawat pamilya. Sila rin ay limang (5) araw naging katuwang sa pagtatayo ng libreng pabahay na tatawaging Starville 4 at matatagpuan sa Brgy. Piel, Baliwag, Bulacan.

Lubos ang pasasalamat ng pamunuan ng TCDS dahil sa mainit na pagtanggap sa kanila at sa karanasan ng kanilang mga mag-aaral na makapaglingkod at makatulong sa mga nangangailangan.

DAHIL SA BAYAN NG BALIWAG, UNA ANG KALIGTASAN NG BAWAT MAMAMAYAN

Upang matiyak na laging handa ang bawat mamayan sa bayan ng Baliwag ay inatasan ng Punong Bayan Ferdie Estrella na magkaroon ng komprehensibong pagsusuri sa mga planong pag likas at pang kalamidad sa bawat pribado at pampublikong establisyemento at paaralan upang masiguro na laging handa ang mga ito sakaling magkaroon ng hindi inaasahang sakuna.

Layunin ng Punong Bayan Ferdie na mapanatili ang “Kaalaman, Kahandaan tungo sa Kaligtasan” sa lahat ng lugar sa bayan kung saan nais nito na mabigyan ng wastong kaalaaman at kasanayan ang bawat mamayan tungo sa kaligtasan sakaling magkaroon ng sakuna.

Unang nagkaroon ng magkasunod na Consultative Meeting ang Baliwag MDRRMO Rescue FVE sa mga focal person ng bawat paaralan sa Baliwag North and South District at sa STI, BTI at Baliwag Polytechnic College ukol sa pag titiyak na ang bawat mag aaral sa bayan ay mapangalagaan at matiyak ang kanilang kaligtasan sa oras ng mga sakuna.

Naganap ang pagpupulong ng mga focal person sa bawat Public Elementary schools sa Bayan ng Baliwag sa Baliwag South Elementary school kung saan nagpaunlak si Ginoong William Ortega, School District Supervisor (Baliwag South) na mag host ng nasabing pagpupulong.

Tinalakay ni Ginoong Tagumpay Cruz ang mga stratehiya ng paglikas sakaling magkaroon ng tinatawag na The Big One, gayundin ang mga pamamaraan ng pag evacuate sakaling maulit ang mga nakaraang sakunang nagtala ng mataas na biang ng apektadong mga pamilya, dulot ng pag baha.

Naroon rin si Ginoong Alvin Lee Asuro, LDRRMO-III, na tumalakay naman sa teknikal na aspeto ng pagsasagawa ng mga kasanayan o drill para sa kahandaan ng bawat Baliwagenyo depende sa lugar na kanilang pinalalagihan, tulad ng paaralan. Tinalakay rin ang mga planong dapat ay niloob ng bawat School Emergency Plans, tulad ng Disaster Plan, Contingency Plans at ng Evacuation Plans na makakatulong sa tamang pag hahanda para sa mga sakuna at mga kinakailangang dikumento bago ang pagsasagawa ng mga drill o kasanayang pang kalaligtasan.

Napagkasunduan ng MDRRMO Rescue FVE at ng pamunuan ng mga paaralan na sumabay sa NSED o Nationwide Simultaneous Earthquake Drill ang bawat Paaralan alinsunod sa kampanya ng National Office of Civil Defense na kahandaan sa oras ng Paglindol.

Naging parehas rin ng daloy ng pagpupulong ang naging consultative meeting ng MDRRMO sa Baliwag Polytechnic College, STI at Baliwag Transit Inc. Nagkaroon ng magandang bunga ang naging konsultansyon dahil nabigyang pansin ang kakulangan sa kahandaan ng mga nasabing institusyon sa kanilang mga plano, at kakulang ng lugar kung saan maari silang mag evacuate sa oras ng lindol.

Naging magkaktuwang ang mga nasabing institusyon kung saan nagbukas ang BTI para sa mga estudyante ng STI at Fernandez College sakaling magkaroon ng paglindol ay magamit nito ang Malawak na Parking Space ng BTI upang maging evacuation site. Magiging Katuwang din ng BPC, STI at BTI ang Baliwag MDRRMO sa pag gawa ng mga ito ng kanilang mga plano ukol sa pag titiyak sa kaligtasan ng kanilang mga empleyado at mga mga aaral.

Tunay nga na sersyoso ang Bayan ng Baliwag sa pangunguna ng Punong Bayan Ferdie Estrella sa kampanya nito ukol sa kaligtasan ng bawat Baliwagenyo, kaya naman lahat ay inaanyayahan na maging katuwang sa mga ibabang mga Kasanayan at Diseminasyon ng Kaalaman sa Bawat Barangay sa mga Darating na Buwan.

#Baliwag #mdrrmo #serbisyongmaymalasakit #serbisyongmayresulta #kaalamankahandaantungosakaligtasan

MDRRMO: MUNICIPAL DISASTER/ EMERGENCY RESPONSE TEAM MEETING

 Alinsunod sa pagsasagawa ng Nationwide Simultaneous Earthquake Drill ng Office of Civil Defense ay mas pinaigting din ng Bayan ng Baliwag sa Pangunguna ng Punong Bayan Ferdinand V. Estrella, katuwang ang Baliwag Rescue FVE at Municipal Disaster Risk Reduction and Management Office ang pagtitiyak sa kahandaan ng bawat Baliwagenyo.

Dahil dito ay muling nagtipon ang Baliwag Disaster/ Emergency Response Focal Person’s sa bawat tanggapan ng Lokal na Pamahalaang Bayan ng Baliwag upang talakayin ang mga isyung pang kaligtasan ukol sa ibat ibang uri ng hazard na maaring mangyari sa bayan ng Baliwag.

Pinangunahan ng tanggapan ng Municipal Disaster Risk Reduction and Management Office, Rescue FVE ang pag pupulong kung saan naruon ang Pinuno ng Rescue FVE na si Ginoong Tagumpay Cruz na nagbigay ng mahahalagang detalye ukol sa hakbang pangkaligtasan sakaling magkaroon ng The Big One.

Naroon rin si Ginoong Alvin Lee Asuro, LDRRMO-III na siyang tumalakay sa Manual o Guidelines ng Bayan ng Baliwag ukol sa pagsasagawa ng Earthquake Drill sa bawat pampubliko at pribadong institusyon/ gusali.

Lahat ng representante ng bawat tanggapan ay naging aktibo sa pakikinig at pagbibigay ng mga suwestyon sa pag plaplano sa pamamaraan ng pagbibigay kaalaman at kasanayan sa bawat baliwagenyo upang matiyak ang kanilang kahandaan, kaligtasan sa lahat ng oras, maging ang mga kapwa kawani ng Pamahalaang Bayan ay inorganisa na upang isabak sa basic life support/ rescue training, first aid at iba pang kasanayan pangkaligtasan.

Alinsunod ito sa pagpapabuti ng serbisyong handog ng MDRRMO Rescue FVE sa pangunguna ng Punong Bayan Ferdie Estrella, upang magkakatuwang nating mapanatili ang wastong pamamahagi ng kaalaman upang matiyak ang kahandaan at kaligtasan ng bawat Baliwagenyo ay makakaasa ang bawat mamayan na mas magiging komprehensibo ang pagbaba ng mga kasanayan at kaalaman sa bawat barangay, upang sagayon ay matiyak ang 100 porsyentong diseminasyon ng kaalamang pamgkaligtasan.

#mdrrmo

#serbisyongmaymalasakit #serbisyongmayresulta #kaalamankahandaantungosakaligtasan

#baliwag #mfve

BALIWAG RESCUE FVE: NAKIISA SA NATIONWIDE SIMULTANEOUS EARTHQUAKE DRILL

Alinsunod sa pag sasagawa ng pangkalahatang pagsasanay para sa kaligtasan sa oras ng paglindol para sa pagtatapos ng taon ay nagsagawa ng joint exercise, Nationwide Simultaneous Earthquake Drill ang Office of Civil Defense sa bansa na kung saan sa probinsya ng bulacan ay ginanap sa City of San Jose Del Monte nitong Disyembre 15, 2017.

Dahil narin sa galing at husay ng Baliwag Rescue FVE sa pangunguna ng Punong Bayan Ferdinand V. Estrella, ay isa ang ating bayan sa mga naimbitahan upang dumalo sa pag sasagawa ng National Simultaneous Earthquake Drill exercise sa lungsod ng San Jose Del Monte.

Pinangunahan ang nasabing aktibidad ng Direktor ng OCD Region III na si General Marlou Salazar, kasama ang mga opisyal mula sa National Disaster Risk Reduction and Management Council, Office of Civil Defense, Bureau of Fire, Philippine Navy, Philippine National Police, Philippine Air force, Philippine Military at mga naimbitahang mga Municipal/ City Disaster Risk Reduction and Management Offices sa buong lalawigan ng Bulacan kasama ang PDRRMO na pinangunahan ng Punong Lalawigan Wilhemino Alvarado.

Ang Baliwag Rescue FVE sa pamumuno ni Ginoong Tagumpay C. Cruz ay aktibong nakiisa sa nasabing gawain kung saan kasama ang mga magigiting nating rescuers ay nagpamalas ng kanilang angking galing at husay sa pagbibigay ng pangunang lunas sa mga nasugatan, episyenteng paglilipat o pagtransport ng mga biktima ng sakuna sa ligtas ng lugar at ang pag papadaloy sa pag lisan ng mga evacuees mula sa lugar ng kapahamakan.

Nagpamalas rin ang ibat ibang Muncipal/ City Rescuers sa mga aktibidad tulad ng High Angle Rescue kung saan ipinakita nila ang wastong pagliligtas sa mga taong na stranded sa mga matataas na palapag ng mga gusaling nagbabadyang gumuho dahil sa pag lindol.

Kasabay ng nasabing joint exercise ay ang pagsasagawa ng nationwide earthquake drill na sinabayan ng bawat paaralan, pampubliko at pribadong mga tanggapan sa buong Bansa.

Matagumpay na natapos ang Nationwide Earthquake drill sa buong bansa, kabilang sa ating bayan na kung saan ang bawat Pampublikong Paaralang Elementarya ay nakisabay mag Duck, Cover and Hold tungo sa Kaligtasan.

Sa pangunguna ng Punong Bayan Ferdie Estrella katuwang ang Baliwag Rescue FVE at ang Municipal Disaster Risk Reduction and Management Office ay maasahan ng bawat Baliwagenyo na magpapanatili ng kaligtasan at kaayusan sa ating bayan.

#serbisyongmaymalasakit #serbisyongmayresulta #mdrrmo #baliwagrescuefve #baliwagenyolaginghanda #baliwagenyoligtaska!